Futbol

2017 Pacific Mini Games Gold Medalist, Vanuatu

Afta we Vanuatu hemi kam blong kolosap oli dro wetem tufala pawa haus Germany mo Mexico long 2017 U20 World Cup long South Korea, semak jeneresen blong olgeta pleia oli kambak mo winim fes eva Vanuatu Pacific Mini Games Gold Medal.

Olgeta woman futbol tim oli go spendem 5 manis trening camp long China, oli kambak mo winim fes eva Gold Medal blong Vanuatu long 2017 Pacific Mini Games we yumi hostem, wetem help blong wan Chinese koj.

Fiji we hemi karem wan koj blong Franis, oli saenem kontrak blong hem i end long 2020.

Franis man ya, Christophe Gagamel las wok blong hem hemi assistant koj blong Paris Saint Germaine tim blong olgeta woman.

Hemi kam droem ap yearly plana blong full Fiji football tim stat long U17 kasem senior tim blong olgeta man mo woman.

Wan long olgeta aim blong hem hemi wantem lukim Fiji i go long FIFA World Cup, mo naoia wetem women’s nasonal tim oli stap kolosap blong ajivim drim ya.

Everi intanasonal windo blong frenli, oli mekem yus long hem blong travel i go blong plei futbol long South East Asia wetem olgeta kaontri olsem Malaysia mo Indonesia.

Be Vanuatu yumi still nogat wan nasonal koj mo kasem tede, i no gat wan yearly plana.

Vanuatu Football Federation (VFF) President i bin mekem wan smol anaonsem long Social Media se i no longtaem bambae oli putum aot advertisement from posisen ya, be kwesten i stap se bambae yumi wait kasem wanem taem, 2019 Pacific Mini Games i stap kam kolosap nao.

VFF i bin anaonsem long manis mei long yia ya se Eksekiutif oli bin apruvum blong nasonal tim i travel i go long Netherlands blong wan manis camp, we bambae i lukim olgeta lokol koj oli follem tim i go daon mo long end blong camp bambae oli mekem wan frenli long manis Okis.

Naoia yumi stap long manis Septemba mo i nogat wan saen yet long intanasonal camp ya.

Daereksen blong futbol blong Vanuatu naoia i luk olsem wan clock we i stap go raon nomo, i no go long fored, be raon nomo, yumi still no luk save olgeta mistek mo build on long hem.

Yumi jampion blong las minit preperesen, be wetaem bambae yumi jenisim hemia?

Recipe ya i wok finis, wetem wan gudfala planning mo gudfala preperesen mo wan intanasonal koj, yumi save mekem yet, be yet yumi still no luk save.

Olgeta futbol fan oli taet blong luk semak story oltaem.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.