Vanuatu hemi lusum seves blong Manuhi

Zika Manuhi hemi kam aotsaed long fil olsem wan substitution las wiken

By Raymond Nasse

Olsem wan praktis longtaem i kam, futbol tede long kaontri hemi no profesonol, i mekem se olgeta pleia oli no save putum kaikai long tebol long end blong dei.

From hemia i lukim plante pleia tede oli muv i go long olgeta klab we oli save faenem wok blong olgeta.

Be taem wan pleia i kasem wan stej we hemi redi blong mekem wan famili o blong sapotem famili blong hem wan, futbol hemi nomo prioriti, be famili nao hemi kam feswan, mo oli mas faenem wan wei blong helpem famili blong olgeta faenansoli.

Las wiken long Port Vila Stadium i lukim Tafea FC midfil ataka, Zika Manuhi hemi pleiem las maj blong hem long Vanuatu.

Manuhi bambae hemi stap flae aot tede i go long Australia blong go wok long Seasonal Workers Program (SWP) blong 7 manis.

“Mi wantem tekem janis ia blong talem tankio long klab blong mi Tafea FC blong save givim mi taem blong mi plei wetem olgeta sins dei 1. Tankio i go long olgeta fan long Port Vila Stadium, Tafea FC fan mo family blong mi, bambae mi stap go be mi no regrettem wan samting, we nomata we mi laekem futbol, be futbol blong yumi tede yumi no save laef long hem,” Manuhi i talem.

“Apoloji blong mi tu i go long olgeta kolik blong nasonal tim we oli stap pripea had naoia blong Pacific Mini Games long end blong yia ia, bambae mi no save joenem tim.

“Apoloji long koj Etienne Mermer mo Vanuatu Football Federation, be mi biliv se wetem olgeta kwaliti pleia we Vanuatu hemi gat naoia, futbol hemi save winim wan medol long taem blong Games.”

Manuhi hemi mekem toktok long Sarere, stret afta we hemi pleiem las maj blong hem wetem Tafea.

Hemia i no festaem we Manuhi hemi go long SWP, mo hemi wan rod naoia we plante long olgeta lokol pleia oli stap follem blong karem smol vatu.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.