Futbol

Olgeta fans oli stanap tugeta mo soem sapot long taem blong penalty shootout yestede moning

Long las Sarere long Farea stret long Museum olgeta England football fan oli bin kam tugeta blong selebretem sakses blong Group stage mo going blong tim blong olgeta i go long Round blong 16.

Long naet ya olgeta pikinini kasem apu we oli indiketem sapot blong olgeta long ‘Royal Family’, oli kam tugeta serem plante kaikai mo kava we i stap, serem olgeta storian long hao nao oli stat blong sapotem England mo tu testem save blong olgeta abaot olgeta past histri blong England futbol team long wan quiz naet, we i lukim i gat olgeta praes we hemi England jersey blong wan we i ansarem raet quiz.

Afta long get together ya group oli bin disaedem se bambae i moa gud sapos “Unity’ ya i stap nomo long maj blong Round 16 wetem Columbia.

Stat long Mande kasem Tuesde group i bin go araon blong traem faenem wan venue we hemi praevet lelebet mo spes hemi bigwan inaf blong hostem everi England fans.

Leit long Tuesde afta i gat indikesen i kam se Korman 1 venue i available blong olgeta fan i yusum indoor fasiliti mo tufala bigfala screen.

Long Wednesde long 3.30am, olgeta fans oli stat mekem wei blong olgeta i go daon long Korman blong sapotem tim.

Nomata we World Cup hemi taosen blong kilomita long Vanuatu, group hemi stanap tugeta go kasem penalty shootout.

Long penalty shootout, group mekem wan longfala laen insaed long centre blong court long Korman 1, everiwan hand raonem shoulder blong narawan, semak olsem olgeta pleia insaed long fil blong soem sapot.

Afta we maj hemi finis mo England hemi kam blong winim, group i kam blong singim Happy Birthday long oldest memba insaed long taem we, Tom Kalorib we hemi selebretem 69 yia blong hem wetem win blong England mo olgeta ‘plesman’ blong hem, we Daily Sport i bin stap long taem ya mo bambae hemi wan samting we bambae hemi neva fogetem.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.