Vanuatu China trening camp i wokaot: Abock

Pauline Willie (medel) hemi selebretem poen blong hem yestede

By Raymond Nasse

Vanuatu women’s futbol tim we oli go spendem 5 manis trening camp long China, oli kam blong displeiem yestede long Port Vila Stadium wan gudfala ‘entertaining’ futbol gem.

Nomata we rain hemi bin foldaon tru aot long maj ia Vanuatu hemi dominet stat long fes wisil kasem faenol.

Vanuatu i plei wan strateji we i lukim oli yusum olgeta backs blong oli ron ron plante long laen stat long bak kasem fored blong senterem olgeta bol, oli no atak tumas long medel be oli yusum plante nao olgeta wing.

‘Structured’ futbol displei ia i lukim Vanuatu hemi brekem daon gem plan blong Solomon Islands mo openem sko long fes haf long namba 26 minit taem hem Pauline Willie hemi hedem in wan kona kik.

Sko long fes haf i stap long Vanuatu 1 mo Solomon Islands 0.

Long sekon haf taem we rain i stat blong foldaon hevi insaed long fil mo fosem olgeta pleia blong adjastem olgeta pass blong olgeta, antap long hem wota i fulap long medel blong fil, Vanuatu hemi tekem adavantej long hom graon, taem we i lukim Jane Alatoa hemi addem in sekon poen blong tim long namba 51 minit.

Stret afta long hemia Alatoa hemi kasem wan injury we i lukim oli mas replesem hem wetem Toukawa Abock.

Monica Melteviel hemi addem namba 3 poen long 71 minit taem we hemi faerem in wan low bol jas insaed long penalty box mo pass andanit long leg blong kipa blong Solomons mo fas long post bifo hemi go in.

Melteviel yet hemi stap long namba 73 minit blong senterem wan bol insaed long box blong faenem hed blong Abock we hemi hedem i go insaed.

Woman of the match, Melteviel long namba 75 minit hemi faerem in namba 5 poen blong Vanuatu mo semtaem silim impotem viktri blong Vanuatu long fored blong taosen sapota we oli bin stanap long rain blong sapotem tim inkludum Minista blong Climate Change, Ham Lini, we hemi hedem Ministry we i lukaotem futbol blong olgeta woman, long Sports Ambassador program ya.

Mama blong Toukawa Abock, Lilly Abock hemi talem long Daily Sport afta long maj se hemi glad tumas taem we hemi stanap blong witnessim gel blong hem i hedem in poen blong hem.

“Mi luk gel blong mi i sko tede mi glad mo mi krae wantaem, from mi luk taem oli kambak long China ya gem blong olgeta i go long wan nara level bageken, we i mekem mifala tede ya hand antap olwe nomo.

“Olsem wan mama mi luk se se Vanuatu China trening camp i wokaot mo mi talem tankio long Papa God from hemia.”

Long nara nius blong futbol Luisa Tamanitoakula mo Jotivini Tabua i kam blong lidim Fiji long wan 5-0 win ova long Tonga wetem olgeta poen we oli skorem yestede.

Olgeta nekis maj blong futbol, bambae i lukim long Tasde 4pm long Korman Stadium, Solomon Islands i plei Tonga mo long 7pm, Vanuatu i plei Fiji.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.