Vanuatu blong pleiem Singapore, Fiji mo Tahiti long June

Vanuatu hemi pleiem Fiji las wan long 2017 Pacific Mini Games

Vanuatu Football Federation (VFF) i anaonsem long Mande wik ya 2 intanasonal frenli blong olgeta man mo woman we bambae i tekem ples long Port Vila long manis June.

VFF i mekem wan rikwes finis i go long FIFA blong Vanuatu i hostem 4 intanasonal frenli long FIFA June Window blong intanasonal frenli.

VFF hemi anaonsem se long rikwes ya i lukim long namba 3 June, Vanuatu men’s senior team bambae hemi pleiem Tahiti mo nasonal team blong olgeta woman bambae oli pleiem Singapore.

Long namba 6 June bambae i lukim olgeta senior men’s team, Fiji hemi pleiem Tahiti mo long olgeta woman, Fiji bambae hemi pleiem Singapore.

Long namba 8 June, Vanuatu senior men’s team bambae oli pleiem Fiji mo long sem dei ya nasonal team blong olgeta woman bambae oli pleiem Fiji.

Olgeta intanasonal frenli hemi kam long raet taem tu blong Vanuatu hemi priperem olgeta seleksen blong man mo woman from Pacific Games long manis July hemia stret long Samoa.

Pablik long Port Vila i gat bigfala janis blong luk Mitch Cooper i werem jersey blong Vanuatu long tufala intanasonal frenli, afta we las frenli long Solomon Islands i lukim yangfala we i bon long Vanuatu be hemi go pleiem klab futbol blong hem long Australia, i gat isiu wetem passport blong hem, mekem hemi no plei.

Olgeta intanasonal frenli bambae hemi festaem bageken we Vanuatu, espeseli Port Vila bambae hemi witnesim wan intanasonal futbol maj, afta long OFC Champions League Pool we Erakor i bin hostem long Korman Stadium.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.