Futbol

Estonia’s oli selebretem wan poen blong olgeta agensem Cyprus long UEFA wol kap kwalifaea / AFP PHOTO / RAIGO PAJULA

RAIGO PAJULA

Hemi festaem long histri blong Vanuatu Football Federation we nasonal tim bambae hemi plei wan frenli wetem wan kaontri insaed long UEFA.

Vanuatu we long ranking blong FIFA hemi stap long namba 188 bambae hemi mitim Estonia long namba 80, we rank blong hem i bitim olgeta Oceania Champions, New Zealand long 122.

Maj ia bambae hemi stap long Tasde long Port Vila Stadium long 2pm.

Olgeta tikit we oli salem blong entrens i lukim Vt500 long open air seat mo Vt1,000 long grandstand.

Vanuatu hemi stap mekem olgeta frenli naoia long Australia, mo yestede naet hemi pleiem Sutherland Sharks.

Vanuatu hemi pleiem wan intanasonal frenli nomo long yia ia wetem Solomon Islands long namba 27 July, afta long 2016 Oceania Nations Cup long Papua New Guinea, mo hemia bambae hemi sekon intanasonal frenli.

Estonia long yia 2017, oli bin gat wan busy yia, oli statem UEFA World Cup Qualifier long manis March, oli dro wetem Cyprus long 0-0, oli lus wetem Belgium we hemi kwalifae finis from World Cup long 2-0 hemia long manis June, oli dro wetem Greece long 0-0 long manis Septemba, oli winim Cyprus long 1-0 long Septemba, oli winim Gibraltar long 6-0 long Oktoba mo oli lus wetem Bosnia Herzegovina las manis long 2-1.

Interesting risal blong kaontri i kamaot long manis March taem oli kam blong winim Croatia we hem i kwalifae naoia blong 2018 World Cup, long 3-0.

Las intanasonal frenli blong olgeta oli kam blong winim Malta long 3-0 hemi long Mande wik ia.

Vanuatu nasonal tim bambae hemi kambak tede, mo bambae i lukim John Alick, Daniel Natou, Kensi Tangis, Jason Thomas, Brian Kaltak mo Bong Kalo oli shud joenem tim long wan wik trening bifo oli pleiem Estonia.

Vanuatu Football Federation i konfem finis se maj blong Estonia bambae olgeta i mekem faenol seleksen blong Mini Games aot long hem.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.