Vanuatu Archery Association (VAA) hemi risivim long manis ia wan bigfala boost i kam blong help ranem program blong Archery long Port Vila wetem donesen blong samfala niufala bows.

Help ia i kamaot thru long VASANOC Equipment Grant we i kam long VAA thru long Olympic Solidarity Fund.

Sport Development Ofisa blong VAA, Francis Runa, hemi talem se olgeta i kasem help blong samfala olgeta bows mo sam ekwipmen we bambae olgeta pikinini blong 5 kasem ova 18 yia oli save kam yusum long taem blong olgeta trening sesen blong helpem impruvum skills blong olgeta.

“Olgeta ‘archers’ bambae oli glad tumas blong save yusum long trening sesen blong olgeta, espeseli olgeta Pacific Mini Games athletes we oli stap pripea from Games long manis Disemba, taem we Games i kik off,” Runa i talem.

Olgeta bow we Olympic Solidarity Fund i givim i kam i gat olgeta Recurve mo Compound bow.

Eniwan o grup we oli interes blong go traem aot archery long Korman Kazaa fil, oli save kontaktem Runa long email f_runa4@yahoo.com.au o long fone namba, 711 33 23.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.