Futbol

MP Albert William i stap handem ova tikit blong tufala pleia blong Malampa long wik ya

Malampa Revivors FC i bin spendem 8 dei long Noumea wetem wan preperesen maj blong hem mo yestede oli stap ofisoli muv i go long Kone blong pat long bigfala tunamen blong 2019 Oceania Champions League.

Olgeta narafala klab blong brata country olsem Papua New Guinea oli araev finis long Kone mo Malampa hemi sekon tim we blong kasem Kone, we i stap long Not blong New Caledonia, ples we olgeta maj bambae i kik off long hem.

Foma koj blong AS Magenta we hemi wan man Vanuatu, Percy Avock hemi stap joinem Malampa Revivors FC tim long New Caledonia blong helpem tufala koj blong Malampa Revivors FC long saed blong trening bmo advaes long saed blong diet, fitness mo olgeta different strategy blong game long New Caledonia.

Olgeta preperesen maj blong Malampa Revivors FC long Noumea hemi bin jalenjem olgeta plante be i bin gohed gud from olgeta boe oli bin lanem blong plei long artificial pitch, oli bin lanem blong play long rainy weather long wan artificial pitch, oli bin lanem blong plei long naet andanit long spot laet mo oli bin lanem tu plante niufala samting we FIFA i rikwaerem.

Tufala Japanese Pleia Kohei mo Yuki oli blend in gud wetem niufala environment mo oli stap training hard mo kajap wetem niufala environment blong football long New Caledonia, wetem olgeta lokol pleia.

Nomata long fulap jalenj we Malampa Revivors FC hemi bin fesem, be olgeta boe oli givim oltaem glory go bak long Papa God from sapot we olgeta man Vanuatu olsem ol getaman Paama long Noumea, Rex Bongnaim olsem chef, family Tronquet, Family Vallette, Federation Caledonien Football, Municipality blong Mont Dore i bin sapotem bigwan tim Malampa Revivors FC long saed blong kaikai, mane mo olgeta smol nid blong olgeta boe taem oli stap long Noumea.

Long nara nius blong Malampa Revivors, long wik ya MP blong Ambrym, Albert Willioam, we constituency blong hem long South East Ambrym oli stap fesem wan disaster naoia, hemi no westem taem blong hemi luk save klab we hemi nem sake blong provins blong hem, Malampa Revivors, blong hemi pem tikit blong 2 pleia blong go joenem tim long New Caledonia.

Tikik we i kost ova long Vt100,000, plus insurance we hemi mekem totol blong Vt124,000 everiwan, hemi soem tru heart blong man Malampa, olsem sekon MP blong Malampa, afta long Minista Ralph Regenvanu.

Marketing mo Logistic Ofisa blong Malampa Revivors long Port Vila Local Organizing Committee, Rex Issachar, hemi stap apil i go long olgeta MP blong Malampa sapos oli save givan long 2 las pleia we i stap blong flae go joinem tim long Mande nekis wik.

Sapos eni wan hemi interes blong sapot, kollem Issachar long mobael namba 5358520.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.