Football

France hemi stap naoia olsem feveret blong winim Wol Kap. Photo: Getty Images

FIFA Wol Kap 2018 hemi bin start wetem plante sapraes taem olgeta fes maj oli kik off stret long namba 14 June.

Long Vanuatu naoia we Wol Kap hemi stap kam long end blong hem I lukim plante futbol fan oli mas talem tata wetem sorry long tim blong olgeta follem sam bigfala apset.

Plante futbol fan mo expert oli never expektem taem South Korea hemi sendem home olgeta Wol jampion Germany bifo nekis raon.

Germany olsem wan pawa haos mo follem nature blong tim mo kwality blong olgeta Star pleia oli gat, hemi wan sapraes blong lukim oli anda perform mo olgeta narafala tim we oli bin anda perform olsem Argentina hemi bin wan shock blong plante futbol fan raon long kantri.

Be kwesten I stap se wanem nao hemi stap kosem ol apset ia? Wan long olgeta futbol raeta Julia Stuart hemi talem se, futbol hemi bin kam antap plante, and risal blong hem nao long Russia.

Hemi kontinu blong talem se naoia long futbol I no mo gat ‘anda dogs’ from any tim i save winim nara tim any taem mo hemi wan risen why plante man i singaot futbol olsem best Sport long wol from any samting hemi possibol.

Naoia we i stap i lukim plante Wol jampion oli bin ko home and olgeta 4 tim we i kasem Semi Faenol plante futbol fan i no bin expektem.

Daily Sports hemi ripotem plante inciden we i bin happen long Vanuatu follem exit blong plante bigfala nem long futbol. Ol inciden ia oli happen follem harem nogud blong plante futbol fan.

Olgeta risal ia oli happen mo brekem hat blong plante fan mo from Wol Kap ia hemi unprediktable.

Sam long olgeta unpredikted maj long 2018 Wol Cap hemi maj between Germany mo South Korea, Croatia vs Argentina, Russia vs Spain mo Brazil vs Belgium we olgeta Red Devils oli sendem olgeta Wol kap favorites Brazil oli ko home long kwota faenol nomo.

Long yestedei France hemi sendem olgeta Red Devils - Belgium oli ko home long only goal blong defenda Samuel Umtiti. France hemi kwalifae finis mo wait long maj bitwin England mo Croatia tedei morning.

Plante futbol expert oli stap prediktim finis se likely Wol Kap bai hemi stap kam home long England blong fes taem 1966. Be emia hemi prediksen nmo from oli previous risal i shoem finis se i hard blong prediktim Wol kap ia.

Olsem oltaem long wan pool best opsen blong wan tim hemi blong lidim pool, be i lukim plante top tim oli finis sekon long table mo plante oli bin ko home finis.

So nomata we England hemi lus wetem Belgium mo runner be olgeta Wol kap favorites ia oli finem olgeta long wan better draw blong plei long raon of 16, Kwota mo Semi Faenol ia. Naoia England hemi mekem tru long Semi Faenol aft long 28 years.

Long Vanuatu taem bifo Wol kap hemi start plante man i bin enjotem naesfala parade we i start long Saralana kam kasem FreshWota fil mo plante futbol fans oli bin gat hae hop blong tim blong olgeta i ko tru. Be i nogat wan man i prediktim stret longfala rod blong Wol kap ia.

Afta long final blong Wol kap bai plante futbol fan oli save rest gud bakeken. Russia 2018 hemi krieatem plante apset, harem nogud, happiness mo plante memory from hemi unpredikted.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.