Port Vila Football Association (PVFA) bambae hemi kikim off fes eva historic Youth League blong hem i no long taem.

Follem visen blong niufala eksekiutif blong PVFA blong putum moa fokas i go long development blong futbol, i lukim PVFA hemi kamaot blong anaonsem se olgeta i sekiurum patnaship blong bigfala kampani blo laet mo wota, Unelco blong hemi bakemap niufala lik ya.

PVFA hemi kamaot blong mekem anaonsmen ya i go long olgeta 24 klab memba se Unelco hemi agri blong kam meja sponsa blong PVFA Youth League we bambae oli singaotem PVFA Unelco Youth League.

PVFA i biliv se investmen long youth football nao hemi key blong development blong PVFA sapos hemi wantem konitiniu blong maintenem status blong hem olsem ‘only’ Elite lik long kaontri tede.

PVFA hemi stap draftem finis regulesen blong lik ya mo hemi faenolaes long namba 23 manis ya, Eprel, mo afta long hemia sapos PVFA hemi endosem bambae i luk launching blong Lik i kik off long namba 1 May stret long Port Vila Stadium.

Lik ya bambae hemi inkludum olgeta klab blo Premier Division naoia mo olgeta skul around lo Port Vila mo ol village klosap mo bambae i fosem olgeta klab naoia insaed long PVFA blong fokas blong developem olgeta pleia blong olgeta mo stat blong lukluk bigwan mo long future blo wanwan clubs blo olgeta.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.