Futbol

Samfala niufala laenap insaed long Tupuji long niufala sisen ya

Wan long olgeta ‘longest surviving’ tim insaed long premia divisen blong Port Vila Football Association, Tupuji Imere hemi kam blong anaonsem se niufala sisen ya bambae oli rilae plante nao long olgeta yang talent blong Mele vilij.

Olsem wan long olgeta bigfala vilij long Efate we i stap prodiusum olgeta top lokol talent we oli stap flyem flag blong Vanuatu, Tupuji Imere afta long sudden loss blong foma klab President mo mentor blong plante long olgeta pleia, leit Pastor Phillip Malas, i lukim 7 long olgeta current premia divisen pleia blong klab ya oli disaed blong muv aot.

Barry Mansale, Fenedy Masauvakalo mo Chikau Mansale oli disaed blong go joenem Galaxy FC long sisen ya.

Raoul mo Michel Coulon wetem Leo Moli mo Charles Folau oli mekem muv finis blong go joenem Tafea FC.

Wan nara pleia blong Mele, be blong Mauriki, Manu hemi tu i go joenem Tafea FC.

Wetem olgeta muvmen blong haf long olgeta fes 11 blong Tupuji Imere oli stap konfemem blong muv aot, Eksekiutif blong Tupuji i bin mit yestede anda long niufala klab President, Jean Noel Annis, Daily Sport i andastan se bambae oli jas wokbaot blong faenolaesem transfea blong olgeta pleia ya.

Koj, David Chilia hemi talem long Daily Sport se nomata long muvmen blong olgeta pleia ya, “Stock blong olgeta pleia blong mi i fulap nomo i stap, olgeta ya oli muv, ,mi pesonoli wishim olgeta good luck long niufala sisen, be mi bambae mi stanap wetem samfala yangfala niufala talent bageken we bambae i lukim long sisen, ya mifala i shud fieldim youngetst tim long premia divisen,” Chilia i talem.

Toktok blong koj Chilia hemi pruv nomo se Mele vilij hemi breeding ground blong samfala top talent blong futbol long kaontri tede.

Kipa blong Tupuji long sisen ya hemi boe blong koj nomo hemi follem footsteps blong papa blong hem bageken, mo i gat bigfala janis blong yangfala Chilia hemi mekem fes 11 blong tim.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.