Futbol

Port Vila Football Association sekon leg bambae hemi kik off long Fraede ya.

Afta long krismas mo niu yia spell, Port Vila Football Association Digicel Premia Divisen sekon leg blong 2018/2019 sisen bambae hemi kik off long Fraede ya wetem tufala Saot Efate klab, Tupuji Imere mo Erakor Golden Star, bambae tufala i mit long 3pm long Port Vila Stadium.

Tupuji Imere wetem yang tim blong hem oli staon naoia long namba 6 ples long klasmen bihaen long Erakor, mo maj ya hemi shud mekem wan interesting wan blong wajem.

Long olgeta maj blong Sarere, long 11am, BSP Amicale hemi pleiem Shepherds United.

Shepherds sapos oli wantem aot long relegesen zone oli mas stat winim olgeta maj blong olgeta.

Long 1pm, Yatel bambae hemi pleiem Ifira.

Yatel oli las wan long klasmen mo oli mas stat winim olgeta maj blong olgeta sapos oli wantem stap yet long premia long nekis sisen.

Ifira bambae oli lukaotem wan win blong traem kajap wetem olgeta lida long klasmen.

Las maj blong dei Galaxy bambae hemi pleiem Tafea FC.

Maj ya bambae hemi haelaet blong opening dei.

Long nara nius blong futbol, faonda blong Amicale FC, faonda, Joseph Jacobet, hemi lus, mo passing away blong hem i kam olsem wan loss long olgeta family blong futbol long kaontri.

Klasmen afta long end blong fes leg i lukim:

1. Tafea FC 19

2. Ifira Black Bird FC 13

3. Galaxy FC 11

4. BSP Amicale FC 11

5. Erakor Golden Star FC 11

6. Tupuji Imere FC 5

7. Shepherds Untied FC 3

8. Yatel FC 3

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.