Las wiken long Port Vila Stadium i lukim dei 4 blong olgeta Port Vila Football Association i kik off wetem 3 maj.

Fes maj blong dei, Siaraga hemi bin stap lid long 1-0 taem tufala tim i wokbaot i kam aotsaed long haf taem.

Wetem heat blong sun, tufala tim i stragel blong faenem ‘pace’ blong gem blong tufala long fes haf, afta we oli bin sakem olgeta bol plante, instead blong olgeta i muvum bol raon long fil, mekem se oli taet eli nomo.

Siaraga kapten, hemi bin karem wan red kad long maj ia, afta long wan ‘intentional handball’, mo ples ia nao hemi jenisim tide blong maj ia long sekon haf.

Tupuji i kam bak insaed long gem taem we Leo Moli hemi faenem baksaed blong net blong Siaraga, mo taem olgeta fan oli stap ekspektem wan dro, Rodney Serveux hemi pulumaot wan muv long text buk blong foma France intanasonal Jean-Pierre Papin, taem hemi mekem wan tred mak Papin kik jas insaed long 6 yard box blong Siaraga we i faenem baksaed blong net blong Siaraga mo semtaem silim 2-1 win blong klab blong hem.

Sekon maj blong dei, tufala long bottom blong klasmen, Mauwia mo Mauriki oli mit stret long 1pm.

Mauwia straeka Charles, hemi openem sko long fes haf, be i lukim Mauriki oli kam ikwalaes jas bifo, bifo Charles bageken hemi makem sekon poen blong hem, blong silim fes eva win blong Mauwia long premia divisen.

Maj ia i lukim olgeta fan i bin witnessim 2 red kad.

Las maj blong dei bitwin Digicel Amicale i lukim wan poen blong Dunstan Quanafia long fes haf hemi no save winim maj ia blong Ifira taem we substitute straeka, Richard Ben hemi ikwalaes blong Digicel Amicale long sekon haf, blong putum faenol sko long 1-1.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.