Football

Tupuji Imere straeka, Leo Moli (medel) i stap selebretem poen blong hem las wiken

By Raymond Nasse

Olgeta Port Vila Football Association (PVFA) premia divisen maj las wiken i lukim oli postponem wan maj, wan dro mo las maj i lukim wan win.

Fes maj blong dei Ifira Black Bird FC mo Mauriki FC oli postponem from i bin gat wan ded.

PVFA bambae hemi jas reschedule mo letem tufala klab i save wetaem bambae oli pleiem maj ia.

Sekon maj blong dei long 1pm, Tafea FC hemi dro wetem Siaraga long 0-0.

Owen Siehi hemi mestem wan gudfala janis blong openem sko long maj ia taem hemi risivim wan bol insaed long box, be hemi sendem bol ya ova long kros ba.

Tafea straeka Robert Tasso hem tu hemi mestem wan janis blong sko long fes haf afta we i lukim Siaraga kipa hemi kamaot long box blong hem mo jalenj from bol, be hemi mestem step blong hem, mo Tasso i ran wetem bol ia bitim kipa go long wan empty net, be i lukim Siaraga kapten Bonga, hemi denyem shoot blong Tasso.

Long sekon haf, tugeta tim i no bin krietem eni ril janis nomo, mo i lukim faenol sko i stap long 0-0.

Las maj blong dei Tupuji Imere FC hemi kam blong winim Digicel Amicale long 2-1.

Maj ia i lukim Digicel Amicale hemi bin dominetem, be oli no save konvetem olgeta janis we oli gat, olsem long fes haf taem we Francois Sakama hemi dribol pass olgeta difenda wetem kipa nomo long bitim, be i lukim hemi no putum inaf pawa nomo long shoot blong hem blong save krietem eni denja, mo kipa i denyem hem.

Fes poen blong maj ia i kamaot long Leo Moli we hemi hedem in wan gudfala kros, afta we difens blong Digicel Amicale i feil blong makem hem long las post.

Taem we Digicel Amicale i stap lukaotem wan ikwalaesa, Tupuji i makem sekon poen, mo Namuli Joseph, hemi jas makem konselesen poen blong Digicel Amicale.

Wetem olgeta risal las wiken i lukim long klasmen:

1-Tupuji Imere FC 13

2- Ifira Black Bird FC 10

3- Digicel Amicale FC

4- Erakor Golden Star FC 9

5- Mauwia FC 5

6- Siaraga FC 5

7- Tafea FC 3

8- Mauriki FC 0

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.