Futbol

Tupuji Imere hemi niu jampion blong PVFA

Afta long wan longfala wik blong olgeta futbol fan oli wait blong harem isiu blong whu winim jampionship blong sisen ya, Port Vila Football Association (PVFA) hemi kambak yestede long aftanun blong givim faenol ofisol klasmen blong Digicel Premia lik blong 2017/2018 sisen.

Klasmen hemi soem wanem fulap fan oli bin stap askem, afta long 43 yia olsem wan long olgeta longest playing club insaed long PVFA we hemi prodiusum plante top Vanuatu nasonal rep long kaontri tede, Tupuji Imere FC hemi kam blong winim taetol olsem 2017/2018 jampionship wina.

Bageken win blong Tupuji ia i shud boostum morale blong klab afta we bambae oli pleiem Erakor bageken tede long Top 4 blong PVFA Super League, mo maj tede i shud stap olsem wan test blong soem aot whu nao hemi disevem taetol ya from win i no happen long fil be aotsaed long fil.

Bifo nius i kamaot, Daily Sport i notisim se Tupuji Imere FC oli postem long Facebook page blong olgeta nius se olgeta i winim jampionship finis, from case we oli putum hemi solid mo olgeta evidens i klia se Tupuji hemi winim taetol aot long Erakor olsem we media i bin stap mensenem.

Hemi interesting blong luk tu naoia we Tupuji i win se olgeta klab blong Efate oli stap stampem otoriti blong olgeta se oli minim bisnis long home graon, sins Tupuji i winim taetol ya aot long hand blong Ifira we olgeta i tekem aot long Erakor.

Faenol klasmen blong 2017/2018 sisen i lukim:

1- Tupuji Imere FC 28 (+11)

2- Erakor Golden Star FC (+10)

3- Tafea FC 25

4- Ifira Black Bird FC 24

5- Shepherds United FC 23

6- BSP Amicale FC 15

7- Siaraga FC 13

8- Mauwia FC 0

Raymond Nasse

Sports Editor

raymond@dailypost.vu

Tags

(1) comment

Ryan Keith

i LOL on this small part "Bageken win blong Tupuji ia i shud boostum morale blong klab afta we bambae oli pleiem Erakor bageken tede long Top 4 blong PVFA Super League, mo maj tede i shud stap olsem wan test blong soem aot whu nao hemi disevem taetol ya from win i no happen long fil be aotsaed long fil", PVFA has a weak decision making board, EGSFC proved that point on Saturday when they trashed the champions 3 - 1.. but after 43 years with no championship titles, our Tupuji brothers deserve this championship, they have tried for too long.. Yesu Merie

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.