Futbol

AGM blong Mauwia FC tede long 9am long Shefa Province Conference Room

Futbol Assosiesen raon long Vanuatu bambae oli wantem kik statem niufala yia mo niufala sisen ia wetem sam fresh blood insaed long klab blong olgeta.

Kompetisen Maneja blong Vanuatu Football Federation (VFF), Bong Shem, hemi talem long Daily Sport se transfea window hemi open long namba 15 January mo hemi klos long namba 12 February 2017.

Shem hemi talem se transfea windo hemi open long namba 15 ia mo hemi aplae long everi memba assosiesen blong VFF oli mas rispektem, naoia we i gat wan sentrol rejistry blong olgeta pleia raon long Vanuatu.

Wetem windo bambae hemi open ino longtaem, olgeta klab blong premia divisen long PVFA oli stat finis blong traem putum wan faenol 25 man list blong helpem kampen blong olgeta long niufala sisen ia.

Fulap long olgeta klab bambae oli statem trening blong olgeta nekis wik afta long spell blong krismas mo niu yia.

Long olgeta klab we bambae oli stap go long Oceania Football Confederation, olsem Erakor Golden Star FC mo Malampa Revivors FC, resis i stap gohed naoia blong traem sekiurum seves blong samfala pleia aotsaed long assosiesen blong olgeta.

Tekem eksampol Erakor hemi stap lukluk blong karem sam pleia insaed long PVFA blong help wetem kampen, mo Malampa Revivors i pushum hand finis i go long Tafea Football Association mo oli stap lukluk blong pushum hand i kam long PVFA blong help strengthenem tim blong olgeta.

Tufala klab ia bambae oli mekem 2 frenli long Luganville Soccer City Stadium long namba 27 mo 30 January.

Long nara nius blong futbol iet, ofis blong Port Vila Football Association bambae hemi openem doa blong hem long namba 9 January, hemia long Mande nekis wik.

PVFA i stap advaesem olgeta klab we olgeta i afiliet anda long olgeta blong oli mas pemaot haf amaon blong afiliesen fee blong olgeta bifo sisen hemi kik off long namba 21 manis ia.

Nara nius bageken blong futbol, niufala kama long premia divisen Mauwia FC hemi stap hostem Annual General Meeting blong hem long Shefa Province Conference Room tede long 9am.

Team Manager, Kalfau Rene George hemi stap apil long olgeta fan, eksekituif mo komiuniti blong Emau raun Efate blong oli kam long taem ia mo givim sam konstraktif tingting blong olgeta tede, blong save helpem klab i muv fowod long premia divisen.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.