Futbol

Siaraga FC straeka, Sylvain Worworbu wetem bol

By Raymond Nasse

Port Vila Football Assosiesen (PVFA) hemi stap singaotem wan impoten miting blong hem long namba 9 January, Tuesde nekis wik.

Miting ia hemi blong olgeta klab i kam tugeta mo tokbaot stret kalenda blong yia ya mo wetaem bambae jampionship i stat.

I no PVFA hem wan nomo, olgeta nara memba Assosiesen blong Vanuatu Football Federation tu, oli stap redi blong kikim off jampionship blong olgeta tu.

Plante klab oli wantem addem sam niufala ‘fresh leg’ i go insaed long tim blong jenisim storian blong olgeta long 2017/2018 sisen, be blong mekem hemia i happen oli mas wet kasem transfea windo i open.

Transfea windo bambae hemi open long namba 15 January mo i klos long namba 12 February.

Wetem transfea windo hemi open tu long taem we bambae tufala klab blong Vanuatu Nalkutan FC mo Erakor Golden Star FC i stap redi blong putum tugeta wan skwad blong plei long Oceania Football Confederation Champions League, Daily Sports i awea finis se i gat rikwes finis blong sam International Transfea Certificate blong karem sam impot pleia i kam blong joenem wan long tufala klab ya.

Daily Sport i no kasem eni konfemesen yet long nem blong olgeta impot pleia ya, mo eni infomesen tu se wanem pleia bambae hemi aot long wanem klab i go long wanem klab.

Olsem oltaem transfea blong wan pleia i gat wan fee blong pem.

Hemia nao olgeta rate:

-Klab i go long klab- Vt3000

-Lik i go long lik- Vt3000

Assosiesen i go long Assosiesen- Vt6000

Hemia hemi sekon transfea windo blong 2017/2018 sisen.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.