Futbol

Vanuatu Football Federation (VFF) hemi konfemem se olgeta transfea windo deit hemi long namba 15 January kasem 15 Februari 2019.

Hemia hemi fes transfea windo bambae sekon transfea windo i open long manis blong Julae kasem Okis.

Wetem nius blong transfea windo ya, i lukim bigfala klab blong Papua New Guinea we afta long samfala politikol diferens oli lus aot smol long map blong futbol, oli kambak naoia blong statem rikrutmen draev from samfala top pleia raon long rijen.

Team Manager blong Hekari United Vonnie Natto, hemi kam blong askem wan rod blong karem Vanuatu intanasonal, Bong Kalo blong i flae aot bifo namba 31 manis blong go joenem Hekari United.

Vonnie hemi mekem i klia interes blong klab from Kalo, be bageken naoia bambae hemi dipen bigwan long pleia mo family blong hem, mo wanem kaen kontrak nao i stap bitwin Kalo mo Ifira.

Vonnie hemi talem se hemi wantem Kalo long we hariap from jampionship blong olgeta i stap kik off long nekis manis stret long namba 19, be closing deit blong rejistresen blong olgeta niufala pleia hemi long namba 31 Disemba 2018.

Wetem deit hemi set, bambae hemi interesting tu blong luk hamas pleia Erakor mo Malampa Revivors i yusum long taem Oceania Football Confederation Champions League i kik off long manis Februari.

Olsem oltaem transfea blong wan pleia i gat wan fee blong pem.

Hemia nao olgeta rate:

-Klab i go long klab- Vt3000

-Lik i go long lik- Vt3000

Assosiesen i go long Assosiesen- Vt6000

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.