Football

Jason Thomas i stap naoia wetem Solomon Warriors

I gat plante toktok i stap go raon long Vila se from wanem Jason Thomas hemi stap go blong plei wetem Solomon Warriors naoia, afta we hemi no joenem klab ya long Group Stage.

Erakor Golden Star mo nasonal difenda, Jason Thomas we hemi helpem Vanuatu i karem fes eva gold medal blong hem long wan Pacific Mini Games, hemi bin plei wetem Erakor Golden Star FC las wiken, taem oli bin winim Shepherds United long 2-0.

Thomas hemi bin plei las wiken wetem klab blong hem, Erakor, taem oli kam blong winim Shepherds United FC long 2-0, be long Tuesde wik ya olgeta pleia blong Erakor mo olgeta fan oli sek se Thomas hemi jam long plane go long Solomon Islands blong go joenem Warriors from kwota faenol preperesen.

Daily Sport hemi kasem Bong Shem long Vanuatu Football Federation (VFF) olsem Competition Manager, blong traem kliarem muv blong Thomas ya.

Shem hemi talem se VFF hemi bin aplae from International Transfer Certificate (ITC) blong Thomas long manis blong August finis las yia, be Solomon Islands Football oli kam wantem saenem rilis blong pleia ia.

“VFF i bin fomoli rikwestem ITC blong Thomas las yia long manis blong August, be mifala no risivim bak eni samting. Follem proses blong wok, VFF i gat raet blong mekem wan provisional license blong Thomas afta long 30 dei sapos Solomon Islands Football i no riplae long rikwes.

“I mekem se mifala i mekem wan provisional license blong hem finis naoia, mekem se hemi save plei wetem las wiken olsem yufala fulap i bin lukim hem.

“Going blong hem long Warriors hemi oraet nomo, from nem blong hem i stap long list we Oceania Football Confederation i gat wetem hem naoia, be nomo se hemi no save plei wan jampionship maj wetem Warriors long Solomon Islands,” Shem hemi konfem wetem Daily Sport.

Long nara nius blong futbol, Port Vila Football Association i postponem olgeta futbol maj kasem taem we hemi kamaot long wan long olgeta dei ya blong infomem deit mo taem bageken, naoia we saeklon Hola i stap long kaontri.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.