Futbol

Teouma Bush Football Lik hemi setap wetem afiliesen i ko lo Shefa Football Association, hemia Yut mo Sports Development Officer, George Kalo Supa emi kam blo confirmem.

Mr Supa hemi talem aot se hemi wan long taem drim blo ol yut lo Teouma Bush mo wan break tru mo development blo Shefa yut, Sports mo Shefa Football Association.

Newly elected president blo Teouma Bush Football lik, David Meriaki hemi talem aot se after lo FIFA world cup hemi lukim wan bigfala jenis lo ol yut blo Teouma Bush.

“After long FIFA World Cup, mi lukim i kat wan bigfala jenis lo ol yut blo mifala.Ol yut oli nomo save stop blo play football.

“Mi luk ol pikinini too oli putum tingting blo olgeta lo football.”

Meriaki hemi continue blo talem se hemi tekem up tingting olsem wan challenge blo mas setemap wan Football Lik.

Lo behaf blo Shefa Football Association,Shefa Football Administrator Johnny Kalowia hemi welcomem Afiliesen blo Teouma Bush Football lik i kam long Shefa Football Association.

“Mi tekem opotunity ya lo behaf blo Shefa Football blo congratuletem Teouma Bush mo stap welcomem niufala Lik insaed lo Shefa Football Association.”

Yut mo sport development Officer ia hemi talemaot se hemia hemi no end blo hem, bae Shefa Yut mo Sport Department lo Shefa Provincial Government council bae hemi continue blo kam blo setemap Teouma Bush Womans Football Lik, wan Volleyball lik mo wan Boxing Club lo Teouma Bush.

Ol newfala exekutive blo Teouma Bush Football Lik i kat:

President:Mr David Meriaki, Vice President: David Willie,Secretary: David Apetniko.Vice Secretary: John Eta,Tresara: Sam Natuari,Vice Tresara: Patrick

Ol other members oli ol president blo wanwan clubs.

Teouma Bush Football Lik oli stap rere blo launchem lik wetem wan opening knockout.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.