Tebol Tennis i stap pripea from Samoa2019

Ham Lulu (left) mo Yoshua Shing bambae oli lidim tim blong olgeta man long Samoa

Wan long olgeta disaplin we oltaem hemi stap karem medol long everi Pacific Games, Tebol Tennis, oli stap preperesen finis naoia from Pacific Games long manis July long Samoa.

Longtaem Tebol Tennis pleia, Annoline Lulu hemi kamaot blong tokbaot preperesen blong olgeta.

“Preperesen blong Samoa Games hemi stat finis,” Lulu i talem.

“Mifala stat wetem fitness trening wetem niufala Strength and conditioning koj blong VASANOC, Charmaine Zinner, long EX FOL.”

Zinner hemi joenem VASANOC tim long end blong las yia mo hemi bin witnessim fes han wanem nao olgeta Vanuatu athletes i lackem, mo ples ya nao hemi step in. Hemi wok plante wetem olgeta bij voleibol women, mo risal blong hem yumi everiwan i save finis.

Lulu hemi talem se eva sins Tebol Tennis i stap go aot mo kompit oli neva mekem eni fitness trening, be yet oli manej blong kasem Olympic Games, be long yia mifala glad blong gat wan expert we hemi save givhan.

“Mi wantem talem tankio long Gavman blong save alawem mifala EX FOL blong mifala save yusum olgeta top fasiliti long we blong karemaot olgeta fitness trening blong mifala.

“Tebol Tennis hemi wan spot we footwork o leg blong yumi mas strong, be wetem hemia sapos mifala kontiniu blong tren anda long Zinner mi sua se bambae aotkam blong hem i moa gud,” Lulu i talem.

Lulu i talem se bambae i gat 4 man mo 4 woman mo 2 parathlete we bambae oli representem Vanuatu long Pacific Games long Samoa.

Hemi talem tu se ekspektesen i hae long tim blong oli deliva, be bambae hemi no stap long semak level olsem Pacific Mini Games long Vanuatu, from namba blong olgeta pleia hemi limited nomo.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.