Futbol

Kensi Tangis: Foto: S League Facebook

Solomon Islands klab jampion, Solomon Warriors, oli kam blong klemem 2018 S-League blong Solomon Islands las wiken.

Solomon Islands klab jampion bambae oli mekem namba 6 apiarens blong olgeta long rijinol klab kompetisen ya, afta we sko laen las wiken i lukim Warriors mo Henderson Eels FC oli bin level long poen long klasmen, mo gol diferens nomo i seperetem tufala klab jampion ya.

Wetem risal las wiken i lukim Henderson Eels bambae hemi mekem fes eva apiarens blong hem long wan OFC Champions League nekis yia.

Solomon Warriors koj we hemi semtaem Assisten koj blong National Team blong Solomon Islands tu, Moses Toata, hemi karem insaed long seves blong hem 2 man Vanuatu, Kensi Tangis mo John Alick.

Ripot we i kasem Daily Sports i soem se tufala Vanuatu intanasonal ya oli pleiem wan sentrol pat insaed long viktri blong Warriors.

Alick hemi ankarem gud midfil mo Tangis afta long maj las wiken hemi karem awod olsem top skora wetem 23 poen long sisen ya.

Fitness blong Tangis hemi kamaot klia long frenli maj wetem New Caledonia las manis taem we olgeta lokol fans oli luk hem i tretenem difens blong New Caledonia log tufala frenli long Korman Stadium.

Tangis hemi no festaem we karem awod ya wetem Warriors from hemi bin karem finis top skora sam sisen i pass.

Long nara nius blong futbol, Krismas mo Niu brek blong premia divisen i stat finis, be Port Vila Football Association hemi wantem remindem olgeta premia divisen pleia se program blong olgeta bambae i kik off eli nomo nekis manis.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.