Tafea Provinsel Kavman emi bin mekem wan visit i kolo Saot Efate Shefa Futbol representiv, Fenua Temanu Baku FC lo Wednesdei lo wik ya blo donetem sam kakae lo tim.

Fenua Temanu FC emi stab olsem rana-ap blo Shefa jampion Nuvi FC, mo emi ko daon lo Tanna blo plei off from wan spot lo Nasonal Supa Lik(NSL) wei bambae i tekem ples lo Lugainville, Santo.

Visit blo Tafea Provinsel Kavman i lukim Presiden, Jefri Kaut, emi talem smol histri lo ol gudfala rilesensip wei Shefa mo Tafea provins igat ova lo pas yia kasem tudei.

Emi konfemem se rilesensip ia i bin bringim fulap benefit lo tugeta provins. Emi talem tu se Fenua Femanu FC emi gat ful sapot blo hem mo ol koliks.

Lo seremoni ya, Koj blo Fenua Temanu, Lesta Sope emi risivim donesen ya mo talem bigfala tankiu i kolo Presiden blo provins mo kavman blo em.

Presiden blo Saot Efate Shefa Futbol Asosiesen (SESFA), Michel Kalworai, emi talem se Fenua FC emi bin plei fes maj blo em lo Mandei agensem Elelko FC lo wan sko blo 2-0 lo Lamenu Stadium. Lo Wednesdei emi bin plei agensem Lawakes FC mo i manej tub lo winim kem ya lo wan sko blo 2-0. Lo las maj blo em, Fenua Temanu emi lus lo wan sko blo 3-0 lo feva blo Medics FC.

Presiden blo SESFA i talem bigfala tankiu lo Tafea Provinsel Kavman lo sapot blo hem i kolo Fenua Temanu FC mo lo donasen wei klab i risivim.

Mr Kalworai emi se donesen ya i soem bigfala wok wei tufala provins i stab mekem blo leftemap futbol developmen lo kantri.

Emi konfemem tu lo daily post se Fenua Temanu FC mo Eastan Nesia FC i stab olsem Saoten rejion jampions mo representif blo tekpat lo NSL tounamen lo Lugainville nekis yia from wan spot lo O-Lik 2020.

NSL bambae i lukim ol 6 jampion tim blo ol rejion lo Vanuatu bae oli tekpat blo jalenj from wan spot lo O-lik 2020.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.