Futbol

Tafea blong plei Erakor long 3pm tede

Tafea FC hemi gat janis blong seftem lid blong hem tede taem oli plei Erakor Golden Star.

Long wik ya desisen i kam long Port Vila Football Association se gem bitwin Tafea mo Ifira we i bin gat wan kes blong hem i stap, oli awodem maj ia i go long Tafea FC.

Long taem we tufala tim ia i plei Ifira nao hemi kam blong win long wan sko blong 1-0, be Tafea hemi resem komplen se oli mekem 6 substitiut long olgeta transfea pleia blong olgeta, we lik i no alawem, i mekem nao PVFA hemi karem aot 3 poen long Ifira mo givim long Tafea.

Follem intanasonal frenli tede long 3pm long Korman Stadium bitwin Vanuatu mo New Caledonia, i lukim Port Vila Football Association hemi postponem olgeta maj blong fes mo sekon divisen mo bambae i gat 2 maj nomo blong Digicel premia divisen i kik off tede.

Long 1pm, Galaxy FC bambae hemi pleiem Yatel FC.

Maj ya bambae i lukim tufala niufala tim long premia oli fesem olgeta, afta long promosen blong olgeta las sisen long fes divisen.

Maj ia Yatel bambae hemi traem lukaot wan 3 poen blong aot long bottom blong klasmen. Oli soem finis taem oli stap long fes divisen se oli save mekem, be 90 minit nomo nao bambae i talemaot.

Sekon maj blong dei long 3pm, Tafea bambae hemi pleiem Erakor Golden Star FC.

Erakor hemi gat 2 poen long klasmen, kompea long Tafea we i stap lid long 9 poen.

Maj ya bambae hemi interesting from Erakor sapos hemi wantem muv aot long relegesen zone bambae hemi mas winim maj ya tede.

Tafea long narasaed oli gat janis blong seftem lid blong olgeta tede sapos oli win, we hemi shud mekem wan interesting maj blong wajem.

Plante futbol fan bambae oli gat 2 interesting maj blong wajem tede long 3pm, from i gat Erakor mo Tafea mo tu intanasonal frenli blong Vanuatu mo New Caledonia long Korman Stadium.

Wetem jenis ia, klasmen naoia i lukim:

1- Tafea FC 9

2- Ifira Black Bird FC 6

3- BSP Amicale FC 6

4- Galaxy FC 4

5- Erakor Golden Star FC 2

6- Tupuji Imere FC 2

7- Shepherds United FC 2

8- Yatel FC 1

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.