Futbol

Tafea i karem bak central midfilda, Daniel Natou long Digicel Amicale FC

Tafea FC long niufala sisen we bambae hemi stat long wiken ya, i lukim oli saenem bak samfala bigfala nem we olgeta long wan taem oli ol foma pleia blong klab ya.

Port Vila Football Association (PVFA) i konfemem se Tafea FC hemi karem bak Lucien Hinge long Ifira Black Bird FC mo center midfilda, Daniel Natou long Digicel Amicale FC wetem Robert Thomas bageken long Digicel Amicale FC.

Wetem saening blong trifala foma pleia, hemi wan stetmen finis blong klab se niufala sisen ya bambae oli traem blong putum bak klab i go bak long orijinol kala blong hem.

Long olgeta nara transfea nius, Tafea FC straeka, Alista Kalip wetem brata blong hem Didier Kalip we hemi stap plei long Spirit 08 oli saen wetem Easton FC, klab blong fes divisen.

Nara nius i lukim Shepherds United FC hemi saenem Ronaldo Wilkins aot from Siaraga FC.

Long nara nius, 2017/2018 sisen i kik off tumoro wetem Erakor Golden Star i pleiem Ifira Black Bird FC long 3pm.

Olgeta maj blong wiken, long 11am, Tafea FC i plei Mauwia FC, long 1pm, Digicel Amicale FC i pleiem Siaraga FC mo long 3pm, Tupuji Imere FC i plei Shepherds United FC.

PVFA i wantem advaesem everiwan se olgeta pleia we laesens blong olgeta i no redi yet.

Laesens fom i stap long ofis blong PVFA wetem Vt1,500 fee blong 1 pleia.

PVFA i wantem advaesem olgeta premia divisen klab i awea se haf blong afiliesen fee we hemi Vt20,000, oli mas pem long namba 15 Septemba.

Long olgeta fes mo divisen klab, PVFA hemi givim olgeta wan wik blong stretem olgeta laesens fee blong olgeta pleia mo afiliesen fee mo bambae PVFA i jas advaesem wanem deit stret blong oli kik off.

Niufala sisen bambae hemi interesting blong luk weta PVFA i gat wan niu wina blong jampionship bageken olsem we Ifira Black Bird FC i tekemaot long Erakor Golden Star FC las sisen.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.