MG Global Tafea FC hemi endem niufala sisen blong 2018/2019 Digicel Port Vila Football Association Premia Divisen fes leg ‘unbeaten’.

Tafea FC anda long niufala manejmen mo patnaship wetem MG Global mo Classic Signs oli kam blong finisim fes leg blong jampionship long wan hae note.

Wan long olgeta mein aim blong klab long sisen ya hemi blong finis long Top 4 mo traem kwalifae from 2020 Oceania Champions League.

Tafea FC hemi winim 6 maj blong hem mo dro long wan maj.

Las maj blong olgeta las wik long Fraede oli kam blong winim Yatel long wan sko blong 4-1.

Long olgeta risal blong olgeta maj las wiken, Erakor hemi kam blong winim Galaxy long wan sko blong 1-0, we Alex Kaltak nao hemi makem.

Tupuji hemi kam blong winim Shepherds United long wan sko blong 3-2 mo las maj Ifira hemi dro wetem BSP Amicale long 3-3.

Wetem olgeta sko laen ya mo risal las wiken, fes leg blong 2019/2019 sisen blong Digicel Premier Divisen lada naoia i lukim:

1. Tafea FC 19

2. Ifira Black Bird FC 13

3. Galaxy FC 11

4. BSP Amicale FC 11

5. Erakor Golden Star FC 11

6. Tupuji Imere FC 5

7. Shepherds Untied FC 3

8. Yatel FC 3

President blong PVFA, Stephen Felix hemi talem se spell blong Krismas mo Niu Yia bambae hemi wan shot wan nomo.

PVFA bambae hemi jas kambak blong konfemem stret deit.

Raymond Nasse

Sports Editor

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.