Futbol

BSP Amicale bambae hemi lukaot wan win tede

Wetem nasonal tim i stap long Solomon Islands blong oli pleiem Bonitos long Mande nekis wik, i bin lukim plante kwestem oli bin raisem abaot seleksen blong olgeta pleia.

Port Vila Football Assosiesen premia divisen futbol aksen bambae hemi kik off long wiken ya wetem 2 impoten maj.

Tafea FC President, George Iapson hemi bin stoppem olgeta pleia blong hem blong no joenem nasonal tim from priority blong olgeta i stap long klab futbol, mo maj tede long 3pm wetem Erakor Golden Star FC bambae hemi save diteminim weta Tafea bambae hemi save ekstendem lid long klasmen o lusum aot 3 impoten poen.

Erakor long narasaed oli gat wan pleia nomo i Follem nasonal tim go long Solomon Islands, we hemi kapten Jason Thomas, mo i lukim everi pleia blong olgeta i stap nomo long kaontri mo oli shud plei tede.

Maj ya bambae hemi wan interesting wan blong wajem.

Long maj blong 1pm, BSP Amicale bambae hemi pleiem Tupuji Imere.

Tupuji sapos oli wantem stap long sef saed, bambae oli mas winim maj ya, sapos oli no wantem foldaon i go daon long relegesen zone.

Long narasaed, BSP Amicale hemi mas winim maj blong tede sapos hemi wantem muv i go insaed long top 4 blong save gat wan janis blong kwalifae from OFC Champions League nekis yia.

Klasmen bifo long maj blong tede i lukim:

1- Tafea FC 26

2- Galaxy FC 23

3- Erakor Golden Star FC 21

4- Ifira Black Bird FC 18

5- BSP Amicale FC 17

6- Tupuji Imere FC 8

7- Shepherds United FC 5

8- Yatel FC 3

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.