Games

Delegesen afta long presentesen long VASANOC Haus

Long wik ya wan delegesen blong Tafea Provinsol Gavman oli kam long Port Vila blong visitim VASANOC Haus.

Insaed long delegesen i gat Tafea Provincial Council President Jeffery Kaut, Sport Development Officer Allan Dan mo Tafea Tourism Office Manager David Martin.

From se Tafea Provins hemi stap hostem National Games long nekis yia 2019, we hemi wan impoten Games, we bambae Vanuatu i save selektem olgeta top athlete redi from 2019 Samoa Pacific Games, hemi propa blong olgeta athlete i kompit long wan standad venue.

Delegesen oli bin kamaot long VASANOC Haus long fored blong Sport Development Officer blong VASANOC, James Malau, John Nalwang blong Ministry blong Sport, DG blong Sports Henry Vira mo Reginald Kipe long Department blong Youth mo Sports blong oli presentem wan ‘Facility Improvement Plan blong Laminu Stadium.

Presentesen oli daerektem i go espeseli long Sports Commission mo DG Henry Vira we i lukim rispons blong DG, hemi talem tankio long delegesen blong save bringim ap isiu kwik taem, mo hemi stap asurum olgeta se bambae Gavman i addressem isiu blong upgrade ya.

President blong Tafea Provinsol Gavman, Jeffery Kaut, hemi talem se afta long wan saksesful 2017 Pacific Mini Games, hemi propa nomo blong Vanuatu hemi mentenem standad ya go long 2019, mo blong mekem hemia Vanuatu i nidim olgeta standad fasiliti raon long everi provins.

Laminu Stadium oli jas renovetem ino longtaem thru long wan Goodwill fund we i kam long Gavman blong Australia.

Stadium oli bildim long 1984 blong pripea from 1986 Inter District Games we Tafea nao i bin hostem.

Tafea Provins i stap redi naoia blong hostem National Games long manis Mei, nekis yia.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.