Sports Commission

Daerekta Jenerol Henry Vira

Vanuatu Sports Commission thru long Daerekta Jenerol blong Ministry blong Yut mo Spot, Henry Vira i kamaot blong anaonsem se bambae oli revivem bak tunamen blong Provins of Origin tunamen.

National Sports Commission long yia ya i gat 2 bigfala ivent, National Games long Manis May mo Pacific Games long manis July, wetem tufala bigfala ivent ia i kamap, Sports Commission hemi disaed blong involvem moa yangfala long spot, from i gat nid blong developmen mo involve moa long spots long kaontri.

Sports Commission i anaonsem se Provins of Origin bambae i happen long Port Vila long manis May, June mo July.

“Taem we i gat olgeta bigfala ivent olsem National Games mo Pacific Games, mi wantem tu blong enkarejem kaen program olsem from i gat bigfala nid blong involvem olgeta we oli no plei spots blong save pat tu long hemia,” Daerekta Jenerol blong Yut mo Spot i talem.

Daerekta Jenerol Vira hemi kamaot blong talem se bifo i gat wan spot nomo long Provins of Origin, we hemi futbol be long yia ya olgeta i stap tingting blong involvem moa long wan spot.

“Olgeta disaplin we mifala i stap lukluk long hem i gat futbol, netball, indoa voleibol blong man, bij soka mo cricket blong man mo woman,” Vira i talem.

Daerekta Jenerol Vira hemi talem se wetem olgeta top klas fasiliti we naoia Vanuatu i gat long Korman Stadium, hemi taem Vanuatu i mekem yus long hem mo semtaem kipim ‘momentum’ we Vanuatu i bin mekem long Van2017 Pacific Mini Games i laef i stap.

Bambae i gat konsaltesen wetem olgeta spot federesen bifo hemia i happen.

Raymond Nasse

Sports Editor

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.