SISSA gems komiti i stab pripea from olketa gems lo Santo

SISSA Komiti. (FB)

Jeaman blo okanaesing Komiti blo SANMA Inter Secondary Schools Sports Association (SISSA) Games 2019, Mr Rex Takataveti wetem ol memba blo Gems komiti oli been meet wetem olgeta prinsipol blo ol senia sekondari skul long Luganville mo SANMA provins blo apdeitem olgeta long ol pripereisen blo bigfala youth gem ia, we sam graonwok i stat finis.

SISSA Gems bae i kik off long Julae 19 kasem 26, 2019.

Telecom Vanuatu Limited (TVL) hemi major sponsa blo SISSA Games 2019.

SISSA hemi stap kombaenem olgeta sekendri skul long Luganville mo SANMA. I gat Santo East Senior Secondary School, College/Lycee Technique Saint-Michel, Rowany Secondary School, Bombua Secondary School, Matevulu College, Hog Harbour Secondary School, College/Lycee Sainte Anne de Port Olry, College de Molivalivu, Tata Secondary School, College de Nandiutu, Aore Adventist wetem Lycee de Luganville.

Olgeta sports kompetisen we bae ol student oli tekem pat lo hem i kat: Bol Gems: Futbol, Basketbol, Volibol, Bij Volibol, Tebol Tennis, Netbol, Handbol, Futsal wetem athletiks we i kat trak mo fil event.

SISSA Games 2019 bae hemi wan interesting ivent from ol athlet bae oli kompit from ol medal (gold, silva wetem bronze) we TVL nao hemi sponsarem mo komiti i addem tu sam new spots disaplin olsem boxing (male mo female). Rugby mo cricket bae tufala i add on olsem ol exhibition games.

Tok save i stap go long every spots tija blo ol sekenderi skul long Luganville wetem SANMA blo kontiniu blo priperem ol student from bigfala youth sports ivent ya.

Long sem story, oli salem raffle ticket long Lycee de Luganville wetem long skul, stoa, bisnis haus, gavman dipatment long Luganville wetem SANMA Province.

Long Port Vila, eni interested man o woman we i wantem pem i save luk Harry Atisson, wetem Harry Leo mo mo Principal Mr Harry Anthony long Lycee LAB.

I kat ol gud prizes blo winim. Fofala first prizes (1st, 2nd, 3rd and 4th) hemi 4 fala air ticket blo Port Vila- Noumea – Port Vila.

I kat 30 difren prize evriwan blo winim.

Dro bambae i tekem ples long Lycee de Luganville long Fraede, Julae 12 long lanjtaem (12 o’klok). Mani we oli reisem long tiket bambae oli iusum meinly blong okanaesem SISSA 2019.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.