Shepherds United i talem tata long olgeta U20 World Cup pleia.

Shepherds United futbol klab we hemi stap plei naoia long fes divisen, oli kam blong talem tata long olgeta pleia blong klab we i mekem ap majority long Vanuatu U20 World Cup skwad we oli stap leko kaontri tede blong go spendem 2 manis trening long New Zealand.

President blong klab, Willie Daniel hemi talem se klab hemi gat wan longfala histri we i lukim oli stap prodiusum olgeta nasonal senia pleia, be long yia ia hemi spesel lelebet from i lukim i gat 10 yangfala blong olgeta oli mekem i go insaed long Vanuatu U20 World Cup tim we bambae i go long manis May long Korea blong plei.

“Mi wan praod president tede, from mi gat 10 pleia we oli travel anda long flag blong Shepherds United mo Vanuatu blong go spendem 2 manis long New Zealand trening mo kambak blong go long World Cup,” Daniel i talem.

Yestede klab hemi soem smol tankio blong hem i go long olgeta pleia anda long niufala sponsor blong klab, Tropicool, we i lukim boss, Daniel Barbereau tu i bin stap blong witnessim seremoni.

President blong klab i wantem talem gud luck long olgeta pleia long trening blong olgeta mo tu long olgeta jif, pastor mo komiuniti blong Shepherds we oli save alawem Tropicool i kam olsem sponsor blong klab long sisen ya.

Tropicool hemi givim sam shirt mo hat blong olgeta U20 pleia blong Shepherds oli werem taem oli stap long we, mo klab hemi givim smol poket mane blong olgeta i hollem taem oli stap long New Zealand.

Wetem niufala sponsorship blong Tropicool wetem Shepherds United, bambae i lukim Fashion Shop ia i salem olgeta flag, sapota jersey, hat mo olgeta Shepherds United ‘memorabilia’ insaed long store blong olgeta i no longtaem.

Hemia nao nem blong olgeta Shepherds United pleia we oli stap insaed long Vanuatu U20 World Cup tim:

1- Massing Frederick

2- Jason Timatua

3- Ricky Willie Dick

4- Johnwel Dick

5- Jonathan Spokey Jack

6- Selwyn Vatu

7- Claude Aru

8- Bethuel Ollie

9- Richie Ravo

10- Gregory Patrick

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.