Tally

Medal Tally blong Team Shefa

By Raymond Nasse

Divelopmen Ofisa Blong Yuth mo Spot long Shefa Provinsol Gavman, George Kalo hemi voisem konsen long bihaf blong Shefa Provinsol Gavman Kaonsel (SPGK) long wei we i lukim ofisol risal blong medal tally blong National Games i no kam aot iet.

Kalo hemi talem se hemi no hapi long unofisol risal from long assessment blong hem unofisoli Team Shefa hemi kat 12 gold, 12 Silver mo 5 Bronze.

Semtaem hemi talem se, “Long bihaf blong Shefa Provinsol Gavman mi wantem kongratulatem every disaplin mo every athletes mo olgeta Ofisol we oli kamaot long Shefa mo olgeta we oli kamaot long olgeta nara provins blong save givim heart blong olgeta blong representem Shefa Provins long 2016 Luganville/Sanma National Games long Santo.

“Mi wantem tekem janis ya long bihaf blong Shefa Provinsol gavman blong talem bigfala tankio long family blo yu blo save sapotem yu mo even allawem yu blo representem Shefa Provins wetem heart blo yu.”

Kalo hemi gohed blong acknowledgem tu bigfala wok blo team Shefa Taskfos Komiti blong priperem mo mekem i posibol blong save kat wan team blong representem Shefa provins long National Games.

Kalo i wantem talem wan spesel tankio tu i go long pablik blong save soem sapot tru long olgeta fundraising.

I gat wan moa bigfala tankio long bihaf blong Shefa provincial government we help blong olgeta nao hemi pleiem bigfala role long patisipesen blong team Shefa long Games.

Olgeta sponsa ia i gat:

MP Toara Daniel

MP Ephraim Kalsakau

Former MP Willie Jimmy Tapangararua

Aku Dinh

Mrs Moana

Digicel Vanuatu LTD

Telecom Vanuatu LTD

Tmel Butchery

ABM

Wong Store

Vanuatu Beverage

CM Store

LDB Fisheries Market

Traverso Butchery

“Olsem ofisa blong Spots long SPGK, mi wantem acknowledgem SPGK, SG blo Shefa Provins, President mo kabinet blo Shefa Provinsol kaonsel, olgeta honourable kaonsela, Dipatmen blong Faenans mo olgeta staff blong SPGK long Financial assistance blong mekem patisipesen blong Team Shefa i posibol,” Kalo i talem.

“Mi tekem janis ya blo wishim everiwan Happy mo Prosperous Niu Yia 2017.”

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.