Lo Satedei las wiken i lukim olgeta gems blo Pool A blo Shefa Digicel Supa Ligue hemi end afta lo wan 3 day kompetisen wei i tekem ples lo Korman Stadium.

Olgeta fes maj blo dei i lukim Fatukei FC hemi plei agensem wan strong Kings FC tim wei oli stab lidim klasmen.

Gem hemi bin go gud mo Kings FC hemi no savei mentenem lead blo hem lo klasmen taem wei Fatukei FC hemi kam in blo tekem win ya lo wan sko blo 5 goals to 3.

Seken maj blo dei i lukim Fenua Temanu FC wei hemi bin dro lo olgeta gems blo hem, hemi traem bes blo securim wan win lo maj blo Satedei agensem Taputi FC. Tugeta tim i bin putum wan gudfala displei blo futbol mo i lukim Fenua Temanu FC hemi kam in blo winim tisfala maj lo wan sko blo 2 goals to 1.

Lo saed blo olgeta Pool B maj, bambae olgeta ofisol blo SESFA bae oli ko daon lo Epi blo ofisiatem olgeta gems blo ol tims wei oli select blo tek pat lo Digicel Supa Ligue ya.

Bae olgeta maj bae i tekem ples lo 28-31 okis lo Louis Kora Stadium, Rovo bay.

Pool A Clasmen

Team GP W D L point GF GA AV

Fenua Fc 3 1 2 0 5 6 5 +1

Fatukei Fc 3 1 1 1 4 8 7 +1

King’s Fc 3 1 1 1 4 8 9 -1

Taputi Fc 3 1 0 2 3 5 6 0

Presiden blo SESFA, Michel Kalworai, hemi konfemem se lo pool A klasmen, Fenua TB Fc mo Fatukei Fc nao i qualify blo go lo top 4. Pool B gems lo wik ya lo Epi hemi blo finemaot two tims blo qualify i kolo lo top 4 blo play from NSL region blo central mo Tafea. Tufala Champion blo tounamen ya bae i savei go lo luganville blo play from wan spot lo OFC 2020.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.