Shefa Digicel Supa Ligue hemi finisim olgeta Pool B gems blo em lo Epi aelan yestedei lo Louis Kora stadium wei i stap lo Rovo Bay.

Olgeta gems oli bin kik of lo Mandei wik ya mo oli end yestedei.

Louis Kora, district administrator hemi talem lo Daily Sports se ol gems wei oli bin tek ples lo Epi i lukim Nuvi FC nao hemi kam blo topem Pool B jalenj. Milo FC hemi kam in olsem sekon tim mo semtaem rana ap blo Nuvi FC.

Hemi talem se tufala tims bae oli kam plei wetem Fenua Temanu FC mo Fatukei FC blo ko insaed lo nexis raon  wei VFF mo Nasonal Supa Ligue nao i hostem blo finem aot wan reprenstative blo Shefa Ligue lo O-ligue tounamen.

Mr Kora hemi talem se olketa 4 tims ya wei oli tekpat lo tounamen ya oli kamaot lo ogeta 4 eria kaonsel blo Epi aelan.

Hemi konfem se ol gems oli bin ko gud mo talem tankiu lo ol ofisel blo Saot Efate Shefa Futbol Ligue blo savei kam in blo karemaot olgeta gems ya.

Hemi talem tu se lo las yia i kam, Not Efate ligue nao emi stab hostem ol tounamen ya be lo tis yia, Saot Efate Ligue nao hemi hostem mo emi luk se lo yia ya olgeta cost mo transpotation cost hemi mo jip kompea lo blo las yia. Emi hapi tumas lo inisiativ wei SESFA i savei karemaot.

Mr Kora tu hemi kam blo konfemem wan shot kos blo ol refri i bin tekem ples lo las wik bifo olgeta pool B gems i ko hed. Kos ya emi blo lukim olgeta tims mo ol ofisel blo mas mitim olgeta rules blo Fifa mo VFF.

Hemi talem se semtaem emi blo preparem olgeta tims wei blo kamdaon lo Efate blo plei agensem tufala jampion blo pool A gems blo Digicel Supa Ligue. Kos ya i givim help lo ol pleias blo oli karem savei lo olgeta rules blo gem. Kos ya tu i lukim ol tim ofisel oli kam blo karem savei lo ol niufala rules blo Fifa. Olgeta ofisel blo efate nao oli bin ranem kos ya.

Hemi talem tankiu tumas lo ol oganisas blo hostem Digicel Supa Ligue ya mo emi sta apriciatem Shefa futbol Ligue blo savei enkarejem olgeta yuts blo paticipet lo sports oltime. Emi enkarejem tu ol yuts blo Epi blo kontinu lo futbol karia blo olgeta oltime blo lsftemap futbol disiplin lo Shefa futbol.

Mr Kora hemi sta wishim tufala tims blo Epi wan gudfala gem mo oltime enjoyem spirit blo futbol oltaem.

Presiden Blo SESFA, Michel Kalworai hemi talem se olgeta ofisel wei oli ko tek pat lo ol Pool B gems ya bambae oli kambak tedei mo savei stat peipea from olgeta gems blo nexis raon blo Digicel Supa Ligue.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.