Olgeta gems blo Shefa Digicel Futbol Ligue 2018 i bin ko hed gud tis wik lo Korman Stadium.

Lo olgeta updates blo ol dei 1 blo Digicel jampionship i lukim Taputi FC hemi plei wetem Fatukei FC mo Taputi FC hemi kam in blo winim maj ya lo wan sko blo 2-1.

Second maj blo dei i lukim Fenua Temanu FC hemi plei Kings FC mo tufala tims i kam in blo dro lo wan sko blo 2-2.

Lo Tasdei, dei 2 blo jampionship i lukim lo fes maj blo dei, Kings FC hemi kam in blo plei Fatukei FC. Kings FC nao hemi kam blo winim maj ya lo wan sko blo 3-2. Lo seken maj blo dei i lukim Fenua Temanu FC hemi plei agensem Fatukei FC mo tugeta tims oli bin kam in blo dro lo wan sko blo 2-2.

Presiden blo Saot Efate Shefa Futbol Assosiesen, Michel Kalworai hemi konfemem lo Daily Post se olgeta maj blo olgeta clubs lo Saot Efate Shefa Futbol bae oli end lo tis Satedei lo Korman Stadium. Hemi talem afta lo gems ya bae olgeta gem ofisials bae oli ko daon lo Epi blo ofisiatem olgeta maj blo ol 4 clubs blo Epi wei oli shud kam blo tek pat lo Vila lo Louis Kora Stadium, lo Rovo Bay.

Mr Kalworai i se diu lo time management mo cost expenses, Shefa Futbol Ligue i disaed blo sendem olgeta officials nomo blo ofisiatem maj blo olgeta 4 tims blo Epi wei oli qualify blo plei lo Digicel Jampionship ya lo 28-31 okis.

Hemi talem se bae tounamen ya i blo finemaot ol wina blo ko plei lo Tanna mo Santo mot tu blo finemaot representative blo Shefa Futbol lo Nasonal Supa Ligue.

Olgeta tims blo Epi i gat Black Rooster FC, Black Beach FC, Nuvi FC and Puna FC.

Lo olgeta classmen i lukim Kings FC 4pts

                                              Taputi FC 3pts

                               Fenua Temanu FC 2pts

                                             Fatukei FC 1pts

Bae olgeta las maj blo SESFA tims bae i tek ples tumoro, Satedei lo Korman Stadium. Lo 12pm bae i lukim Kings FC i plei Fatukei FC. Seken maj blo dei bae i lukim Fenua Temanu FC i plei agensem Taputi FC.

Ket entrens hemi 500vt lo granstan mo 300vt lo fil stan. Shefa Futbol Assosiesen i stab invitem olgeta suppotas mo futbol fans blo kam sapotem olgeta Shefa clubs blo yumi lo Korman Stadium.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.