Presiden blong Saot Efate Shefa Futbol Asosiesen (SESFA) mo semtaem Presiden blo Fenua Temanu Baku FC (FTBFC) hemi stap talem bigfala tankiu i go lo eksekutif blong FTBFC, Ifira Trustee mo Ifira komuniti mo olketa komuniti lidas lo sapot mo sponsasip we klab hemi risivim lo kampen blong hem insaed lo Nasonal Supa Lik we bambae hemi finis tedei.

Mr Michel Kalworai hemi talem tankiu tu lo Shefa provinsel kavman mo ol representatif blong hem blo save letem FTBFC mo semtaem SESFA blo save tekpat blo representem Shefa lo NSL jampionsip ya. 

Mr Kalworai hemi sendem tankiu tu i go lo olgeta hosts blo SESFA gems truaot lo yia mo i luk fowod lo gudfala patnasip ya bakeken long olgeta gems wei i stap kam. 

Hemi konfemem tu se SESFA bambae hemi stap redi tu blong kik off lo olgeta nok aot maj blo hem blo pripea from 2019-2020 jampionsip we i stap kam antap.

Mr Kalworai i stap apil tu i go lo VFF blo setemap sam inisietif blong save includum ol namba tri mo namba fo standing lo NSL jampionsip blo oli savei tekpat long hem, weta hemi locali o lo rejinol level. 

SESFA hemi stab konkrajuletem tu VFF Presiden, Lambert Maltock, we hemi stap olsem Presiden blo OFC mo semtaem Vice Presiden blo FIFA.

Kalworai hemi bilif se wetem impoten posisen ya, VFF shud krietem mo kapitalisem lo ogeta programs blong hem blong impruvum futbol lo Vanuatu.

Hemi talem tankiu tu lo disentrolaesesen program blong kavman wei i lukim futbol indastri hemi stap rij aot tu igo lo olgeta eria kansel blo Shefa we i lukim FTBFC hemi kam blo rijim NSL finol blo provinsel level.

Hemi talem se wetem spirit blong spotmansip we SESFA i gat, hemi bilif se bae SESFA i save rijim tu NSL bakeken lo ol yia wei i stap kam.

SESFA Presiden hemi konfem se afta lo Wednesdei lo wik ya, bambae SESFA hemi sitaon lo wan miting bifo oli save letem pablik lo wataem olketa nokaot gem bambae i stat mo wataem bambae jampionsip tu i save stat. 

Mr Kalworai hemi stab apil tu i go lo ol bisnis haos, komuniti lida mo wan wan man mo woman blo save givhan lo sponsasip blong save sapotem SESFA lik lo olgeta programs blong hem. Eni man o woman we hemi wish blong sapot hemi savei kontaktem SESFA Program kodineta long mobael namba 7759914- o long email adres ia michaeljoseph770@gmail.com or long mobael namba wetem email ia: 7349818/ michelkalworai16@gmail.com.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.