SESFA hemi kik of long olgeta program blong hem

Saot Efate Shefa Futbol Asosiesen (SESFA) hemi kik statem olgeta program blong hem bakegen.

SESFA Presiden hemi konfemem se olgeta aotstanding nok aot gems blong SESFA oli stat finis tis wik lo Erakor futbol fil.

Lo yestedei, i lukim olgeta semi finol gem oli bin tek ples bitwin Nagar FC mo Matantopua FC mo tu wetem Taturu FC mo Eraniau FC. Lo fes gem, Nagar FC hemi kam in blong winim Matantopua FC lo wan sko blong 4-1. Lo sekon gem, i lukim Eraniau FC hemi kam blong winim maj ya lo wan sko blong 4-3.

Wetem risal ya, bambae i lukim Nagar FC hemi faenol wetem Eraniau FC mo namba tri mo fo ples bambae Matantopua FC hemi fesem Taturu FC lo nexis wik.

Mr Michel Kalworai hemi talem se long ofisol miting blong SESFA lo tis wik i lukim SESFA komiti hemi kamaot blong rilisim olgeta programs blong hem mo tu diskasen blong olgeta 2019-2020 jampionsip wei bambae hemi kik off long nexis manis.

Kalworai hemi konfem se afta lo olgeta nok aot tunamen ya bambae SESFA hemi statem olgeta SESFA Jampionsip blong 2019/2020.

SESFA Presiden hemi talemaot tu se i gat sam niu klab wei oli interes blong regista lo SESFA long 2019-2020 jampionsip. Lo miting blong SESFA komiti lo wik ya i lukim Mr Kalworai hemi infomem olgeta niu klab blong oli pripea lo olgeta licence mo affiliesen fi blong ol.

Hemi konfemem se I gat 10 klab wei oli kam fowod blong savei tekpat long 2019-2020 jampionsip wei stap kam antap.

SESFA komiti tu hemi stap apil i go lo eni interes sponsa blong SESFA blong oli save kam fowod mo letem SESFA komiti i save lo hem. Eni man o woman we hemi wish blong sapot hemi save kontaktem SESFA program kodineta long mobael namba 7759914- o long email adres ia michaeljoseph770@gmail.com or long mobael namba wetem email ia: 7349818/ michelkalworai16@gmail.com

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.