Selebresen blong makem dei blong olgeta woman long Vanuatu

Posta blong Sarere fun run

Port Vila bambae hemi selebretem tede Nasonal Dei blong olgeta Woman long Vanuatu.

Long yia ia Vanuatu national dei blong olgeta woman hemi foldaon stret long namba 6 blong manis Eprel long yia ia, be hemi bin pospon so oli muvum i kam long manis ia, mo bambae hemi tekem ples long wik ia.

Daily Sports hemi toktok wetem Jea Ledi blong Vanuatu Women In Sports (VANWIS) Commission, Mrs Julia King abaut event ia we bambae hemi tekem ples long wik ia.

Misis Kings hemi talem se,”Vanuatu bae hemi selebretem long wik ia nasonal dei blong ol woman hemi long tede namba 15 May.

“VANWIS hemi wok tugeta wetem Vanuatu Women’s Centre, blong join tugeta long Wednesde evening long 6pm wetem wan pared we theme blong hem hemi, To Reclaim The Night, hemia hemi blong alaowem ol gel mo woman long Port Vila blong step aot long eni denja we i kam krosem olgeta.”

King hemi pointem aut tu se olgeta i fainemaot semak jalenj tu i hapen wetem olgeta gel mo woman we oli patisipet long sports oli experiensem semak jalenj nomo.

Long Fraedei bae Commission bambae hemi pututm aot olgeta stori bods blong olgeta foma mo karen women jampions journey blong olgeta insaed long sports. Bambae olgeta stori bods ia bae oli putumaut long fored blong Seafront blong pablik hemi save ko luk.

Commission i bin nominetem wan totol blong 12 nominies everiwan we bambae oli feature insaed long stori bods ia. Long taem ia tu bae oli hostem wan koktel long evening taon long Nambawan Cafe blong anaonsem long Port Vila mo Vanuatu ol prominent woman insaed long sports we oli fesem jalenj long taem blong olgeta insaed long sports, olsem strakel blong olgeta long patisipesen mo adjivmen long taem blong olgeta insaed long sports olsem wan woman.

Blong hailaitem selebresen blong makem dei blong olgeta woman long Port Vila,sarere 6.30am bambae i kat wan fun ran we Vanuatu Women in Sports Commission hemi okanaisem wetem theme ia ‘Si mi save mekem” stat nao long sea front or maket haus kasem long Moorings, registration hemi fri afta we yu rejista bae u save karem wan fri t-shirt, so invitesen i stap go long olgeta papa, mo ol yang boys blong oli save kam joenem ol mama long moning fun ran ia, afta long hemia bae i kat lait breakfast long sea front mo zumba class sesen wetem Anolyn Lulu blong endem morning fun day ia mo tu selebresen blong makem day blong olgeta woman long Port Vila.

Jea Lady blong VANWIS hemi stap talem toktok tankio blong hem i ko long olgeta sponsa blong dei ia i kat Vasanoc we hemi kivim olgeta opotunity ia blong ranem iven ia, Vila Hand Print blong printim ol T-Shirts, Azure Pure water blong donetem wota mo olgeta nasonal federesen mo ol president blong olgeta raon long Vanuatu blong mekem positive impact long sports mo aknolejment tu i ko long Buzz FM radio blong ranem on air mo Vanuatu Daily Post blong mekem story long newspepa, we oli save mekem selebresen blong makem dei blong olgeta woman hemi kamaot wan sakses.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.