Naoia we futbol long kaontri hemi stap muv aot sloslo long amata i go long semi profesonol, olgeta pleia mo ofisol oli hapi blong wok nomo sapos ‘yumi’ mekem gud tingting blong olgeta.

Sam pleia from oli gat famili oli wantem se klab hemi provaedem o lukaotem wan wok blong olgeta samples blong sapotem famili blong olgeta, nara wan we oli skul oli wantem semak, i mekem se komiuniti klab system ya i no helpem nating futbol, from naoia i kam moa ‘commercialize’ finis.

Wan man we hemi no wok, be iet ‘heart’ blong hem i stap long futbol, hemi kam blong givim 10 bol i go blong helpem wan klab long premia divisen long Tasde wik ia.

Tafea FC we naoia oli stap long sekon las posisen long klasmen oli kasem 10 bol i kam long foma president mo die hard fan, Willie Saute, long trening sesen blong olgeta.

“Mi stap apil i go long everi fan blong Tafea FC blong yumi putum hand tugeta blong yumi wok blong faenem aot wan rod blong muvum aot klab blong yumi long sekon las posisen i go antap long Top 4,” Saute i talem.

“Mi biliv se yumi long Port Vila tede, yumi blong Tafea provins nao i aot nambarem everi nara provins, be iet klab ia we i karem nem blong provins i no luk wan help blong yufala nomo.

“Yumi olgeta man mo woman wetem pikinini blong Tafea i mas praod se yumi gat wan tim wetem wan rich histri we hemi karem nem blong provins blong yumi,” die hard fan ia i talem.

Saute i talem se Tafea FC long bifo kasem naoia oli nogat wan sponsa, mo oli nidim help blong everiwan mo 10 bol ia hemi olsem sapot blong hem i go long klab.

“Plante long yumi tede oli sapot wetem maot nomo long fil, be i no wetem aksen, mo hemia mi stap apil long olgeta Tafea FC fan blong oli mas stoppem kaen sapot ia.”

Long olgeta premia divisen maj blong tede, 11am, Ifira i plei Mauriki, 1pm, Tafea i plei Siaraga mo long 3pm, Digicel Amicale i plei Tupuji Imere.

Long klasmen blong premia afta long olgeta maj las wiken.

1-Ifira Black Bird FC 10

2- Tupuji Imere FC 10

3- Digicel Amicale FC

4- Erakor Golden Star FC 9

5- Mauwia FC 5

6- Siaraga FC 4

7- Tafea FC 2

8- Mauriki FC 0

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.