Football

World Cup i mekem olgeta fren oli kam serem las kava tugeta bifo oli kam enemy taem World Cup i kik off

Sekretri blong Pablik Seves Komisen, Jacques Gedeon hemi sendem aot wan memo yestede i go long olgeta pablik sevents blong no eni nasonal flyem flag blong olgeta kaontri we bambae oli plei long Russia 2018 World Cup long ples blong wok blong olgeta.

Memo i talem se sapos eni wan i flyem flag bambae Pablik Seves Komisen i save dil wetem hem daerek.

Plante long olgeta skul raon long Port Vila oli askem olgeta student blong olgeta blong go long skul tede wetem flag mo olgeta uniform blong olgeta kaontri we oli sapotem long World Cup ya.

Olgeta skul oli on haf dei nomo yestede, from olgeta tija oli leko olgeta students blong go joenem World Cup parade long Saralana kasem Freshwater fil.

Traffic long Port Vila taon i stop thru aot long lanj haoa taem we wan long olgeta biggest eva parade blong olgeta Vanuatu World Cup sapota oli parade thru taon wetem olgeta kala blong kaontri we oli sapotem.

Yestede long Jay Nakamal long namba 2, olgeta fren oli serem las kava tugeta bifo World Cup i kik off. Wan wan i kam wetem kala blong kaontri hemi sapotem blong markem stat blong World Cup, we bambae hemi 1 manis blong kompetisen nomata we World Cup i stap long Russia be long Vanuatu ‘rivalry’ i hot bitim everi nara FIFA World Cup.

Daily Sport i lukim long yia ia fever blong World Cup i jas tumas nomo kompea long olgeta nara yia.

Opening blong World Cup mo olgeta fes maj i kik off tede long eli moning finis mo follem olgeta toktok we i kamaot long olgeta ekspet long futbol raon wol, yia ya bambae hemi interesting from i gat hae janis blong wan niu kaontri hemi leftemap trofi ya follem analaesis we oli mekem long olgeta intanasonal frenli we i jas pass.

Fes maj blong World Cup hemi long 2am tede, host Russia i bin pleiem Saudi Arabia mo tunaet long 11pm Egypt i plei Uruguay.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.