Port Vila Municipa Council (PVMC) Lord Mayor Ulrich Sumptoh hemi fes lokol lida blong harem tim list blong Erakor Golden Star (EGS) FC we bambae oli go plei long Tahiti taem hem i mekem wan visit i go long Erakor vilij long Wednesday aftanun.

Long taem ia olgeta Vanuatu futbol jampion blong Port Vila Futbol Assosiesen, Erakor Golden Star oli risivim wan Vt500,000 long Port Vila Munisipal Kansel long aftanun.

Port Vila Lord Meia Ulrich Sumptoh hemi talem long komiuniti blong Erakor se hemi diuti blong Port Vila Munisipol blong givim mane ia long olgeta from oli wan klab we i plei long Port Vila Munisipol Stadium.

Lord Meia Sumptoh hemi talem se mane ia hem i go blong helpem Erakor Golden Star long kampen blong olgeta long O-Lik.

Mo long sem taem tu kapten blong tim, Brian Kaltak hemi anaonsem nem blong ol pleia we bambae oli reprisentem EGS long Grup D tunamen we Tahiti bambae i hostem.

Be taem hemi stap presentem mane ia long President blong Erakor Golden Star, Johnson Wabaiat, Lord Meia Sumptoh i talem se Port Vila Munisipol i stap lisen long pefomens blong Erakor long O-Lik, from sapos oli advans I go long seken raon bambae PVMC I save gat tingting blong givim wan nara help.

Erakor Golden Star hem I bin rikwes long Vt1,000,000 long Port Vila Munisipol. President Wabaiat hemi eksplen se blong Erakor I go long O-Lik tunamen ia hemi nidim samples Vt5 Milien.

Erakor President Wabaiat hemi preisem Lord Mayor from hemi talem se hemi gat humbleness blong save aot long hae ofis blong hem long Port Vila mo go daon low long komiuniti blong Erakor mo givim help blong PVMC folem rikwes blong Erakor.

Lord Meia Sumptoh hemi gat trust se tim Erakor hem I save mekem gud long tunamen blong O-Lik.

Erakor I stap long Grup D mo bambae i mekem fes gem blong olgeta agensem olgeta host tim Tefana long Tahiti long Maj 11.

Tim i aot yestede long aftanun blong go thru long New Caledonia bifo oli go daon long Papeete, Tahiti.

Erakor GS hemi bon long 1926.

Nara nius blong futbol long Port Vila Stadium tede, 11am, Mauriki i plei Digicel Amicale, 1pm, Siaraga i plei Mauwia mo long 3pm, Tafea i plei Tupuji.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.