Football

Port Vila Football Association (PVFA) hemi setem wan deit finis blong kikim off olgeta premia divisen maj blong hem, we hemi namba 18 January 2019.

Wetem niufala deit sam klab insaed long premia divisen oli kamaot blong voesem konsen blong olgeta se spell blong olgeta i sot wan tumas mo olgeta i nidim taem blong olgeta i rest.

Sapos PVFA hemi statem olgeta program blong premia long January 18, 2019, bambae i on smol taem nomo ale pablik blong Port Vila i save witnessim Erakor Golden Star FC hemi hostem wan grup blong OFC Champions League long Korman Stadium long namba 23 Februari mo finis long namba 10 March wantaem nekis yia.

Program blong PVFA premia divisen hemi gat bigfala janis blong hemi stop bageken long taem ya from i gat bigfala janis se Erakor bambae hemi yusum samfala pleia blong olgeta nara premia klab long taem ya.

Sapos olgeta premia divisen klab oli fil se spell blong olgeta bambae hemi shot tumas then i moa beta sapos oli wet kasem namba 10 March.

Wan moa samting we bambae hemi distebem sekon leg blong premia, hemi niufala fomat blong kompetisen we Vanuatu Football Federation (VFF) hemi apruvum long Congress i no longtaem.

Wetem niufala fomat blong National Super League, VFF bambae hemi wantem kikim off niufala fomat blong hem eli nomo nekis yia, hemia tu bambae i save kosem distebens long program blong sekon leg, mo hemia i wan long olgeta mein risen from wanem PVFA hemi muvum program blong sekon leg i kam eli nomo.

President blong Port Vila Football Association, Stephen Felix hemi bin mensenem se spell blong premia divisen klab bambae i shot nomo las wik, mo long wik ya oli anaonsem se January 18, premia i kikim off olgeta maj blong hem.

Wetem niufala fomat blong kompetisen we VFF hemi passem long Congress, bambae yumi mas wet nomo blong luk hao hao PVFA olsem top lik long kaontri i save akomodetem olgeta jenis ya follem kalenda blong hem.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.