Yatel FC tim blong 2014. Photo. Vanuafoot FB

Port Vila Football Association (PVFA) hemi kam blong konfemem olgeta relegesen maj we bambae oli kik off long wiken ya namba 12 May.

Afta long olgeta jampionship maj, olgeta fan i stap luk fowod finis blong wajem olgeta relegesen maj we PVFA hemi konfem long Daily Sport se bambae oli happen long Port Vila Stadium long wiken ya.

Sekon las long klasmen blong fes divisen, Pango Green Bird FC bambae hemi pleiem sekon long klasmen blong sekon divisen, United Malampa FC stret long 1pm.

Long saed blong premia mo fes divisen, bambae i lukim long 3pm, Siaraga FC i pleiem sekon long klasmen blong fes divisen, Yatel FC.

Hemi festaem bageken we Yatel FC bambae hemi pleiem relegesen from wan ples insaed long premia divisen, afta we plante yia i pass olgeta futbol fan i no lukim fes blong klab ia long premia.

Yatel FC long fes divisen long sisen ya hemi ‘most improved’ tim mo oli kam blong winim olgeta sam long olgeta bigfala nem insaed long fes divisen long wan taem, olsem ABM Galaxy we insaed i gat samfala bigfala nem blong futbol oli plei long hem, mo oli gat lukluk blong endem sisen wetem wan kwalifikesen i go long premia divisen.

Follem regulesen, sapos Siaraga o Pango hemi winim fes leg ya, bambae i nomo gat wan sekon leg, be sapos United Malampa mo Yatel i win, bambae i gat wan sekon leg.

Raymond Nasse

Sports Editor


(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.