President blong Port Vila Football Association (PVFA), Stephen Felix hemi kamaot blong soem disapoenmen blong hem tuwods Vanuatu Football Federation (VFF)

Long wan email we hemi sendem i go long olgeta staff blong VFF, Felix hemi askem from wanem i nogat eni wan long olgeta i tenap long Local Organizing Committee (LOC) miting long Tuesde wik ya.

Felix hemi talem se hemi no hapi long tritmen we VFF administresen hemi stap soem long tufala Vanuatu jampion we i stap redi blong tekem pat long OFC Champions League, espeseli Erakor Golden Star FC

“Olsem President blong PVFA mo wan Memba blong VFF Executive mi stap askem VFF Secretary General (SG) mo Competition Manager blong traem soem sam rispek mo rispon long olgeta email mo olgeta notis blong LOC miting.

“From wanem bambae yufala i tritim Erakor i diferen long Malampa Revivors, taem we tugeta tim bambae oli representem VFF mo Vanuatu long Champions League long yia ya.

“Bambae VFF i givhan long saed blong teknikol, administresen mo faenansol sapot tu long Erakor?” PVFA President i stetem long email blong hem.

Felix i stetem tu se Erakor mo PVFA oli komitim olgeta fullwan blong faenem olgeta sponsa, resem mane mo preperem olgeta pleia, redi blong Champions League Group C, we Erakor nao hemi hostem long Korman Stadium.

“Mifala no risivim yet eni indikesen i kam long VFF long wanem kaen sapot nao bambae oli givim long Group C LOC mo Erakor Golden Star FC.

“Yufala no ekspektem blong mifala rikwestem asistens, hemi duty blong yufala nao blong assist mo fasilitet,” Felix i talem.

PVFA president hemi talem se hemi hop se sam long olgeta bambae oli luk save wanem i stap happen be no, maet ating hemia aplae nomo long sam tim be i no everiwan.

“Hemi taem blong yumi praktisim wanem yumi stap tokbaot,” Felix i jalenjem VFF Administresen.

VFF SG, Albert Manaroto hemi riplae se hemi sori, mo olgeta bambae i stap long nekis LOC miting.

VFF Senior Vaes President, Iau Tuan, hemi kamaot blong talem se hemi hop se Administresen blong VFF bambae hemi kliarem everi samting mo hemi talem tu se tritmen bitwin Malampa mo Erakor i shud semak nomo.

“Mi tu mi sendem sam email be i nogat eni rispon nomo long olgeta, maet ating oli stap sortem aot sam isiu blong olgeta yet,” Tuan i talem.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.