Futbol

Erakor Golden Star executive member jif Denny hemi stap risivim olgeta polo shirt i kam long South Pacific Hardware

By Raymond Nasse

Erakor Golden Star FC we bambae olgeta i representem Port Vila Football Association mo Vanuatu Vanuatu long Oceania Football Confederation Champions League long Tahiti

, oli stap lukaotem olgeta sponsa blong helpem olgeta wetem kampen blong olgeta long Tahiti.

Tahiti we oli nicknamem hem espeseli Papeete olsem little Paris, from hemi moa expensive long we bitim long New Caledonia, i lukim olgeta Vanuatu klab ya from taem blong pripea hemi shot tumas oli kamaot blong apil i go long everi sapota, fan mo olgeta bisnis haus raon long Vanuatu mo Vanuatu Gavman blong sapos oli wantem sponsarem klab wetem sports gears o faenansol sapot, from klab hemi stap long bigfala nid naoia, blong oli save kollem namba ya 7740401 or email long yamos.d3@gmail.com.

Klab i gat wan Bred Bank Account we sapos eniwan we i wantem sapot, i save go be oli mas email o kollem namba ya bifo oli go putum mane, blong klab i save gat se yu whu, blong referens nomo.

Klab i stap mekem pablik apil ia from mane we bambae olgeta i raisem ia bambae i go tuwods ples blong silip, kaikai mo wota blong olgeta pleia blong wan period blong 4 wik we bambae olgeta i spendem long Tahiti.

Klab i wantem talem tankio in advans long olgeta we oli kam fowod finis blong soem sapot blong olgeta long klab olsem South Pacific Hardware we oli wan long olgeta fes bisnis haus long Port Vila blong kam fowod blong sponsarem olgeta polo shirt blong klab.

Erakor Golden Star oli wan long olgeta fes eva Vanuatu klab blong impotem olgeta pleia blong olgeta i go ovasi, espeseli long Tahiti, we tede i gat olgeta family blong samfala pleia blong klab oli stap laef long we iet kasem tede.

Long 1978 Pretine Waoute hemi aot long Erakor Golden Star blong go plei long Tahiti, we naoia hemi stap iet kasem tede, mo bambae hem mo family i gat janis blong luk klab blong hem i kam mo plei long Tahiti.

Long nara nius blong futbol, Rewa FC i stap wok had naoia blong sekiurum seves blong Brazilian trio blong Amicale FC.

Rewa FC we bambae oli plei tu long semak Pool olsem Erakor Golden Star long Tahiti, i lukim koj Marika Rodu i talem long Fiji Times se oli stap blong prosesem olgeta pepa wok blong Immigration blong save mekem se Diego, Marcello mo Pepeta i joenem olgeta from Champions League.

Rewa oli biliv se wetem adisen blong trifala ia, bambae i boostum moral blong olgeta lokol pleia, afta we olgeta i wajem olgeta footage blong trifala pleia ia.

Trifala ia bambae oli kambak long Amicale afta long kampen wetem Rewa FC.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.