Futbol

Ifira oli stap selebretem wan poen blong olgeta

By Raymond Nasse

Afta long spell blong krismas mo Niu Yia, elite futbol assosiesen blong Vanuatu Football Federation, Port Vila Football Association (PVFA), hemi kik statem olgeta program blong hem bageken long wik ia.

Long Mande, PVFA hemi openem doa blong ofis blong hem finis, oli katem grass long fil mo statem olgeta operesen blong olgeta bageken.

Long namba 17 January, President blong PVFA, Stephen Felix hemi wantem lukim everi klab oli attendem lik miting blong olgeta i karem olgeta rejistresen fom blong olgeta.

Agenda blong miting hemi blong tokbaot draw blong jampionship.

Wetem niufala sisen blong 2016/2017 sisen i gohed mo transfea windo hemi open long wik ia, PVFA ofis i shud luk olgeta klab i kam in mo aot blong tokabot askem transfea blong olgeta pleia.

PVFA Executive Meeting bambae hemi stap long 11am long Wednesde, tumoro.

Long namba 21 January we bambae i lukim jampionship hemi kik off bambae i lukim Pango Green Bird FC mo Black Diamond oli go antap long fes divisen mo Yatel FC i kam daon long sekon divisen.

Long Premia divisen, Mauwia FC nao hemi niufala nem insaed long premia, afta we i lukim Shepherds United mo Spirit 08 oli go daon long fes divisen.

Long nara nius blong futbol i gat lukluk se bambae sam moa pleia blong Port Vila Football Association bambae oli go helpem kampen blong Rewa FC long Oceania Football Confederation Champions League.

Long nara nius blong PVFA bageken, Disaplinary Komiti blong PVFA i we i staon blong lukluk long komplen abaot Match Fixing, we United Malampa i mekem agensem Pango mo Black Diamond, oli sakem aot kes ia afta we oli faenem aot se i nogat inaf evidens blong save gohed wetem kes ia.

Hemia i no festaem we wan PVFA Disaplinary Komiti hemi lukluk long olgeta kaen isiu olsem.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.