Hemi kam ofisol stat long yestede, konfemesen blong kamaot stret long Port Vila Football Association (PVFA) se jampionship bambae hemi kik off stret long namba 19 September, we hemi wan Wednesde.

2018/2019 Sisen blong PVFA bambae hemi kik off long deit ya nao.

Risen from wanem PVFA hemi kamaot blong givim deit ya namba 1 September long las wik we oli se bambae jampionship i kik off, hemi from long namba 1 nekis manis, bambae olgeta rejisteresen blong olgeta tim mo pleia i klos long taem ya nao.

PVFA hemi kam blong askem long Vanuatu Football Federation (VFF) blong oli traem sabmittim wan nasonal 2018/2019 kalenda blong oli traem plan insaed long kalenda, blong avoedem eni unnecessary clash long nasonal mo domestic kalenda.

PVFA hemi konfemem namba 19 September bambae jampionship i kik off mo hemi shud end long manis April 2019.

Competition Manager blong VFF, Bong Shem hemi konfemem se bambae samtaem tede bambae olgeta i kamaot wetem wan kalenda blong olgeta.

Long nara nius, Fraede long wik ya bambae i gat Awod Seremoni blong 2017/2018 sisen. Moa infomesen long venue mo taem, bambae PVFA i jas kamaot blong talem bifo Fraede.

Raymond Nasse

Sports Editor

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.