Futbol

Win blong Galaxy Football Club las wiken long fes eva tunamen blong Port Vila Football Association (PVFA), olsem olgeta 2018 Non Communicable Disease Cup wina, hemi stap soem wan saen se niufala klab blong premia hemi minim bisnis long niu sisen ya.

Tunamen ya Ministry blong Health nao hemi kam blong sponsarem wetem wan amaon blong Vt400, 000 blong ranem full tunamen ya, we i tekem sekon, fes mo premia divisen long full manis blong July kam kasem manis ya.

Long Sarere i bin lukim grand faenol bitwin Galaxy FC mo Ifira Black Bird FC.

Maj ia i i lukim afta long ekstra taem tufala tim i dro i mekem oli go long penalty shootout mo Galaxy hemi kam blong winim mo oli crownem hem olsem 2018 NCD Cup wina.

Tunamen ya hemi stap olsem replesmen blong Independence Cup we i stap tekem ples everi yia.

PVFA hemi wantem aknolojem Ministry blong Health we hemi kam blong mekem se tunamen ya i happen mo tu Unelco, olgeta 24 klab memba Gavman thru long Sports Commission, mo Department blong Public Health we hem nao i spearheadem NCD Cup tunamen ya.

Totol mane we Ministry hemi givim hemi Vt400,000 mo break daon blong hem blong hao oli yusum i lukim, Vt115000 i go blong mitim kost blong olgeta referee blong tunamen, Vt100000 olsem fes praes, Vt60000 olsem sekon praes, Vt50000 olsem namba 3 praes mo namba 4 praes hemi, Vt30000.

Oli pem 3 trofi blong we totol amaon i kasem Vt15000 mo praes blong olgeta individual awod antap long hem bageken i lukim oli spendem Vt45000 long totol.

Ministry blong Health i wantem rimaendem everiwan bageken se wetem wan helti laefstael yu stap savem laef blong yu wan blong yu save liv mo enjoyem sport longtaem moa, olsem wan toktok long English i talem se “Prevention is better than cure”.

Joes long hao yu livim laef blong yu bambae i save diteminim aotkam blong tumoro long laef blong yu wan mo kaontri blong yu.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.