Foto

Grup foto long Warwick Le Lagon Hotel yestede

Port Vila hemi hostem namba 6 FIFA konferens blong ol woman long Warwick Le Lagon Hotel lo wik ia.

Hemi wan 3 dei konferens we i stat finis long Wednesde namba 27 March mo bambae i klos tede Friday 29 March.

Olgeta we oli partisipeit long konferens ia i lukim Director General (DG) blong Ministry blong Youth, Sports mo Development training Mr Henry Vira we hemi mekem welkam rimaks. Wan delekesen blong FIFA we Bareman Sarai, FIFA jif ofisa blong futbol blong ol woman hemi lidim wan 6 man delekesen i kam daon long Port Vila long konferens ia. President blong Oceania Football Confederation (OFC) mo semtaem president blong Vanuatu Football Federation (VFF)Mr Lambert Maltock hemi ofisoli openem konferens ia wetem wan delekesen blong OFC, olgeta representatif blong 11 Memba Federation long Pacific, olgeta Just Play programme maneija long Pacific, VFF SG, Albert Manaroto sam long VFF staff mo tu National team manager blong Vanuatu mens team Mr Paul Munster, we oli present long taem blong konferens ia.

Konferens ia i lukim Bareman Sarai nao we hemi spokeswoman lontaem ia, taem hemi stap tokbaut ol gudfala wok we late Emmie Sope hemi stap mekem long Oceania Football. VFF President Maltock hemi mekem welkam toktok blong hem i go long olgeta patisipen mo tu hemi pointem aut se “futbol blong ol woman hemi kat semak priority olsem futbol blong ol man,” mo hemi addem wan mo poen we hemi impotens blong invest long tugeta.

Bareman Sarai hemi kontribuit tu blong talem se “Emmie hemi kapjarem spirit blong Oceania, Port Vila nao hemi hostem Confrence ia, blong honarem hem from olgeta gudfala wok we hemi mekem, yumi no save tokbaut futbol long Oceania without mentioning nem blong leit sista Emmie Sope, mo hemi wan bigfala shok blong yumi las yia taem hemi pass away, wetem situesen we hemi stap long hem hemi no bin talemaut long eni wan, so tete hemi pututm wan legacy i no long Vanuatu nomo be long Oceania.”

Long taem blong konferens ia tu Sarai hemi putum aut sam long olgeta strategy plans blong FIFA, mo introdusum olgeta woman we oli karem olgeta posisen inside long bikfala sporting body ia, mo wanem nao wok blong olgeta. Naoia FIFA i gat 2 moa manis nomo i stap bifo bae FIFA World Cup 2019 blong olgeta woman bambae hemi kick off long France long manis June.

VFF president hemi stap congratulatem tim New Zealand U-19 tim blong ol woman from hemi festaem we oli save kasem wan final stage mo oli win blong sikiurum namba 3 ples wetem wan bronze medal.

Mo long semtaem Mr Maltock hemi stap mekem anaonsmen long taem blong conference ia taem hemi talem se, VFF hemi disaed blong appointem Rorona Kalsakau blong kam olsem Deputy General Secretary blong VFF long Vanuatu, we bae yumi save talem se hemi festaem blong wan woman hemi karem wan posisen olsem long VFF. Apoinment blong hem hemi follem nomo wok we hemi stap mekem blong helpem VFF mo tu olgeta wok we hemi mekem blong Oceania. Rorona Kalsakau hemi wok olsem Just Play Programe Manager blong VFF long Vanuatu.

After long konferens tede bambae tim hemi mekem wan visit i go long grave blong late Emmie Sope mool famli blong hem long home aelan blong hem long Ifira Tenuku.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.