Vanuatu Paralympics hemi praod blong anaonsem long wik ia ol nem blong olgeta atlits blong hem we bae oli ko tekem pat long Arafura Games long Darwin, Australia mo Samoa Pacific Games we bae hemi stap long manis blong July long yia ia.

Jessica Richardson we hemi stap olsem Inclusion officer blong Vanuatu Paralympic Komiti (VASANOC)we Australian kavman nao hemi fundem, hemi talem se “2018 hemi wan gud yia blong Vanuatu Paralympic Komiti. Naoia mifala stap luluk blong biuldim up sakses ia long yia ia 2019 mo long sem taem expandem prokram blong mifala I ko long every provins long Vanuatu.”

Be blong mekem I nidim faenansel sapot from olgeta lokol bisnis blong mekem se oli remain kompetitive mo sapotem ol atlits blong olgeta mo tu olgeta prokram blong olgeta.

Blong selektem olgeta atlits,oli bin ko aut long Malekula, Santo,Tanna mo Efate blong kontaktem olgeta trials mo afta long hem oli komperem olgeta risal blong olgeta blong mekem sua se hemi fair long evriwan. Wetem limited spes,oli lukluk long ol atlits we oli willing blong kompit long multipol event.

Fes fala event we Para Sport I stap lukluk fowod long hem, hemi Arafura Games long Darwin (Australia)long manis blong April.

Faenal seleksen blong Arafura gems we oli short listim finis I kat:

1.Ellie Enock

2.Ken Kahu

3.David Niere

Olgeta kotj nao hemi:Ellen Aru we hemi karem full sapot I kam from Margaret Macfarlane(President long Vanuatu Paralympic Committee)

Mo olgeta resef nao hemi:

1.Georgess Langa

2. Matthias Nakat

3. Claudine Kalori

4. Peter Dick

5. Noella Roberts

Oli stp lukluk fowod to blong sentem full team blong olgeta kommited atlits from Malekula,Santo,Efate mo Tanna blong ko long Tafea Provincial Games long manis May blong kompit long fes eva nasonal Para Athletics kompetisen.

Nomata we faev manis I stap yet bifo South Pacific Games bae hemi kikoff,mo tu olgeta diferen sport long kantry bae oli jes openem doa blong olgeta blong yia ia,Vanuatu Paralympic Committee hemi anaonsem bakeken nems blong olgeta we bae oli ko tekem pat long Samoa Pacific Games,mo oli bin aloketem 5 para atletik atlit we I kam frm VASANOC blong atendem game.

Faenol seleksen blong Samoa 2019 long manis blong July we oli shortlistim finis hemi:

1.Marceline Moli

2.Ellie Enock

3.Ken Kahu

4.David Niere

5.Georgess Langa

Olgeta risef hemi:

1.Matthias Nakat

2.Claudine Kalori

3.Peter Dick

4.Noella Roberts

I kat wan moa nara bikfala even we bae I happen long manis blong November long yia ia we hemi World Para Athletics Championships long Dubai.

Lukluk I stap blong Friana Kwevira,we hemi Commonwealth Bronze medallist, bae hemi mekem wan kambak trening blong priperem hem blong kompetition ia,afta long mateniti liv blong hem. “Sapos eni wan we i kat wan disability, wan student we yu liv wetem disability, yu no fraet blong kam aot mo soem talen blong yu,olsem toktok oli stap usum oltaem, ‘yu no luk disability blong yu, yu luk ability blong yu,wanem yu save mekem wetem disapility blong yu,” Richardson i addem tu se

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.